ຕອນເຊົ້າຂອງວັນທີ 15 ມັງກອນ 2024 ທີ່ສະໂມສອນຂອງຫ້ອງວ່າການເມືອງເຟືອງ, ແຂວງວຽງຈັນ ໄດ້ມີກອງປະຊຸມເຜີຍແຜ່ເນື້ອໃນສັນຍາສຳປະທານ ໂຄງການຂຸດຄົ້ນ ແລະ ປຸງແຕ່ງຖ່ານຫີນ ຢູ່ເຂດບ້ານນາແຂງ ແລະ ບ້ານນາມົນ, ເມືອງເຟືອງ, ແຂວງວຽງຈັນ ໃນເນື້ອທີ່ 100 ເຮັກຕາ ຂອງບໍລິສັດ ສົມວິຈິດ ມຸກດາ 01 ຈຳກັດຜູ້ດຽວ, ພາຍໃຕ້ການເປັນປະທານຂອງທ່ານ ອາດ ວິໄລພົນ, ຫົວໜ້າຫ້ອງວ່າການເມືອງເຟືອງແລະ ປະທານຮ່ວມ ທ່ານ ປອ ວົງຄຳ ຈະເລີນສຸກ, ຮອງຫົວຫນ້າກົມຄຸ້ມຄອງບໍ່ແຮ່ ແລະ ທ່ານ ສີໄຄ ວົງຈັນ, ຮອງຫົວຫນ້າພະແນກພະລັງງານ ແລະ ບໍ່ແຮ່ ແຂວງວຽງຈັນ, ໂດຍມີທ່ານຜູ້ຕາງຫນ້າຈາກ ກົມສົ່ງເສີມການລົງທືນ (ກຜທ), ຫ້ອງການ ກະຊວງພະລັງງານແລະບໍ່ແຮ່, ກົມຄຸ້ມຄອງບໍ່ແຮ່, ພະແນກພະລັງງານແລະບໍ່ແຮ່ແຂວງວຽງຈັນພ້ອມດ້ວຍອົງການປົກຄອງທ້ອງຖິ່ນທີ່ກ່ຽວຂ້ອງຂອງເມືອງ, ບ້ານທີ່ໂຄງການຕັ້ງຢູ່ ແລະ ບ້ານ ທີ່ຢູ່ໃກ້ຄຽງແລະບໍລິສັດ ເຂົ້າຮ່ວມ, ຊຶ່ງມີຜູ້ເຂົ້າຮ່ວມກອງປະຊຸມທັງຫມົດ 50 ທ່ານ.
ພາບ ແລະ ຂ່າວ: ກົມຄຸ້ມຄອງບໍ່ແຮ່
