ໃນນວັນທີ 22 ກຸມພາ 2024ນີ້ ຢູ່ຫ້ອງການ ຄະນະຊາວໜຸ່ມປະຊາຊົນປະຕິວັດລາວແຂວງເຊກອງ, ຄະນະຊາວໜຸ່ມປະຊາຊົນປະຕິວັດລາວ ກະຊວງພະລັງງານ ແລະ ບໍ່ແຮ່ ໄດ້ນຳເອົາອຸປະກອນຜະລິດໄຟຟ້າແສງຕາເວັນ ຈຳນວນ 3 ຊຸດ ລວມມູນຄ່າ 15ລ້ານກວ່າກີບ ນຳໄປມອບໃຫ້ ຄະນະຊາວໜຸ່ມປະຊຸມປະຊາຊົນປະຕິວັດລາວ ແຂວງເຊກອງ ເພື່ອນຳໄປມອບຕໍ່ໃຫ້ ຄະນະຊາວໜຸ່ມປະຊາຊົນປະຕິວັດລາວຮາກຖານທະຫານຊາຍແດນຢູ່ເມືອງດາກຈິງ ແລະ ເມືອງກະລຶມ. ຕາງໜ້າ ຄະນະຊາວໜຸ່ມປະຊາຊົນປະຕິວັດລາວກະຊວງພະລັງງານ ແລະ ບໍ່ແຮ່ ກ່າວມອບໂດຍ ສະຫາຍ ຄຳແສງ ແກ້ວປະເສີດ ຄະນະປະຈຳ ຄະນະບໍລິຫານງານ ຊາວໜຸ່ມປະຊາຊົນປະຕິວັດລາວກະຊວງ ແລະໃຫ້ກຽດກ່າວຮັບຂອງ ສະຫາຍ ປອ ຕຸລາວັນ ວົງໄຊ ກຳມະການພັກແຂວງ, ກຳມະການຄະນະບໍລິຫານງານ ສູນກາງຊາວໜຸ່ມປະຊາຊົນປະຕິວັດລາວ, ເລຂາຄະນະບໍລິຫານງານຊາວໜຸ່ມປະຊາຊົນປະຕິວັດລາວແຂວງເຊກອງ, ມີພະນັກງານຂອງທັງສອງຝ່າຍເຂົ້າຮ່ວມເປັນສັກຂີ່ພິຍານ.
ໃນໂອກາດດັ່ງກ່າວ ສະຫາຍ ເລຂາ ຄຊປປລ ແຂວງເຊກອງ ໄດ້ສະແດງຄວາມຮູ້ບຸນຄຸນ ແລະ ຂອບໃຈຢ່າງສູງຕໍ່ການຊ່ວຍເຫລືອຂອງ ຄຊປປລ ກະຊວງພະລັງງານ ແລະ ບໍ່ແຮ່ ໃນຄັ້ງນີ້ ເປັນການປະກອບສ່ວນຢ່າງໃຫຍ່ຫລວງຕໍ່ຊາວໜຸ່ມແຂວງເຊກອງ ໂດຍສະເພາະຊາວໜຸ່ມຢູ່ໃນຂົງເຂດປ້ອງກັນຊາດ, ປ້ອງກັນຄວາມສະຫງົບ ເຊິ່ງເປັນຮົ້ວຂອງຊາດ.
