ສູນກາງຊາວໜຸ່ມປະຊາຊົນປະຕິວັດລາວ ຈັດພິທີສະເຫຼີມສະຫຼອງວັນເດັກນ້ອນສາກົນ ປະຈຳປີ 2023 ຢ່າງຍິ່ງໃຫຍ່ ແລະ ຄຶກຄື້ນ ໃນຕອນເຊົ້າວັນທີ 30 ພຶດສະພາ 2023 ຢູ່ສູນການຄ້າລາວ-ໄອເຕັກ, ນະຄອນຫຼວງວຽງຈັນ ໂດຍໃຫ້ກຽດເຂົ້າຮ່ວມເປັນປະທານ ແລະ ກ່າວປາໄສ ຂອງ ສະຫາຍ ສາດສະດາຈານ ປະລິຍາເອກ ກິແກ້ວ ໄຂຄຳພິທູນ ກຳມະການກົມການເມືອງສູນກາງພັກ, ຮອງນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ມີ ສະຫາຍ ມອນໄຊ ລາວມົວຊົງ ກຳມະການສຳຮອງສູນກາງພັກ, ເລຂາຄະນະບໍລິຫານງານສູນກາງ ຊາວໜຸ່ມປະຊາຊົນປະຕິວັດລາວ. ນອກຈາກນີ້, ຍັງມີການນຳຂອງບັນດາກະຊວງ, ອົງການ, ນະຄອນຫຼວງ ພ້ອມດ້ວຍຫຼານນ້ອຍເຍົາວະຊົນ, ນ້ອງນັກຮຽນ ທົ່ວນະຄອນຫຼວງວຽງຈັນ ເຂົ້າຮ່ວມ. ສຳລັບ ຄະນະບໍລິຫານງານຊາວໜຸ່ມປະຊາຊົນປະຕິວັດລາວ ກະຊວງພະລັງງານ ແລະ ບໍ່ແຮ່ ເຂົ້າຮ່ວມພິທີຄັ້ງນີ້ ມີ ສະຫາຍ ປະລິຍາເອກ ສຸກວິສັນ ຄິນສະໝອນ ຮອງເລຂາ ຄະນະບໍລິຫານງານຊາວໜຸ່ມປະຊາຊົນປະຕິວັດລາວ ກະຊວງພະລັງງານ ແລະ ບໍ່ແຮ່.
