ຮອງລັດຖະມົນຕີ ກະຊວງພະລັງງານ ແລະ ບໍ່ແຮ່ ພ້ອມຄະນະຍ້ຽມຢາມຊຸກຍູ້ ວຽກງານພະລັງງານ ແລະ ບໍ່ແຮ່ ຢູ່ແຂວງ ອຸດົມໄຊ.

ທົ່ວແຂວງ ອຸດົມໄຊ ປະກອບມີ: 07 ເມືອງ, ມີ 468 ບ້ານ, ມີ 63.902 ຄອບຄົວ, ມີພົນລະເມືອງ 351.024 ຄົນ. ເມືອງເທດສະບານມີໄຟຟ້າຊົມໃຊ້ແລ້ວ 94,87 % ຂອງຈໍານວນບ້ານ ແລະ 94,89 % ຂອງຈໍານວນຄົວເຮືອນມີໄຟຟ້າຊົມໃຊ້ແລ້ວ. ມີບໍລິສັດທີ່ເຄື່ອນໄຫວດໍາເນີນທຸລະກິດໄຟຟ້າພາຍໃນແຂວງ ທັງໜົດ 16 ບໍລິສັດ ແລະ ມີບໍລິສັດເຄື່ອນໄຫວໂຄສະນາ ແລະ ຕິດຕັ້ງເຄື່ອງຕັດໄຟຟ້າແບບອັດຕະໂນມັດຈໍານວນ 05 ບໍລິສັດ. ໄລຍະ 03 ປີ(2021, 2022 ແລະ 2023) ສາມາດປະຕິບັດໄດ້ 3.421 ຕື້ືກວ່າກີບ ທຽບໃສ່ແຜນ 05 ປີ ປະຕິບັດໄດ້ທັງໜົດ 90 % ເພີມຂື້ນ 16% ໃນນີ້ດ້ານພະລັງງານປະຕິບັດໄດ້ 823 ຕື້ື ກວ່າກີບ ແລະ ດ້ານບໍ່ແຮ່ໄດ້ 2.51 ຕື້ື ກວ່າກີບ. ດ້ານວຽກງານບໍ່ແຮ່ ທົ່ວແຂວງ ອຸດົມໄຊ ມີເນື້ອທີ່ 15.370 ກມ2 ໄດ້ປະຕິບັດວຽກງານສໍາຫຼວດສ້າງແຜນທີ່ທໍລະນີສາດ-ແຮ່ທາດຂັ້ນພື້ນຖານສໍາເລັດແລ້ວ 100 % ການສໍາຫຼວດສ້າງແຜນທີ່ທໍລະນີສາດມາດຕາສ່ວນ 1/200.000 ໄດ້ສໍາເລັດ 100 % ຂອງເນື້ອທີ່ທົ່ວແຂວງ, ມາຮອດປະຈຸບັນ, ໄດ້ພົບຈຸດປະກົດແຮ່ທາດ ພ້ອມທັງໄດ້ເກັບຕົວຢ່າງ ແລະ ຄ່າພິກັດ ມີທັງໜົດ 69 ຈຸດ ມີແຮ່ 14 ຊະນິດ ຄື: ແຮ່ເຫຼັກ, ແຮ່ທອງ, ຖ່ານຫີນ, ແຮ່ອັງຕິມອນ, ແຮ່ຄຳເຄົ້າ, ແຮ່ຄໍາຕົກຂ້ອນ, ແຮ່ຊືນ-ສັງກະສີ, ເກືອກິນ, ແຮ່ພາຍຣາຍ, ດິນໜຽວ, ຫີນປູນ, ຫີນກາວ, ແຮ່ຊິລີຄອນ ແລະ ຫີນບາຣິດ. ປະຈຸບັນ, ມີບໍລິສັດທີ່ໄດ້ຮັບອະນຸຍາດຊອກຄົ້ນ ແລະ ສໍາຫຼວດແຮ່ທາດຢູ່ແຂວງ ອຸດົມໄຊ ທັງໝົດ 05 ໂຄງການ; ໃນນັ້ນຂັ້ນແຂວງອະນຸມັດ 02 ໂຄງການ ແລະ ຂັ້ນສູນກາງອະນຸຍາດ ມີ 03 ໂຄງການ ມີເນື້ອທີ່ທັງໜົດ 318,85 ກມ2. ມີບໍລິສັດທີ່ດໍາເນີນການຂຸດຄົ້ນ-ປຸງແຕ່ງ ແລະ ຈຳໜ່າຍ ແຮ່ທາດ ທີ່ຂັ້ນສູນກາງອະນຸມັດມີ 09 ບໍລິສັດ 13 ກິດຈະການ ມີເນື້ອທີທັງໜົດ 9.626 ເຮັກຕາ, ຂັ້ນແຂວງ ແລະ ເມືອງ ອະນຸມັດ ແຮ່ທາດອະໂລຫະລວມມີ 31 ກິດຈະການ ມີເນື້ອທີ່ ທັງໝົດ 95,87 ຮຕ.