ກອງປະຊຸມໃຫຍ່ຄັ້ງທີ IV ຂອງໜ່ວຍກຳມະບານຮາກຖານກົມຄຸ້ມຄອງບໍ່ແຮ່ ໄດ້ໄຂຂື້ນ ແລະ ອັດລົງດ້ວຍຜົນສຳເລັດຢ່າງຈົບງາມໃນຕອນເຊົ້າວັນທີ 19 ກໍລະກົດ 2024 ນີ້ ຢູ່ຫ້ອງປະຊຸມໃຫ່ຍ ຊັ້ນ 5, ພາຍໃຕ້ການເປັນປະທານ ຂອງສະຫາຍ ນາງ ວິນນະສອນ ພົມມະສຸກ ຮອງປະທານໜ່ວຍກຳມະບານຮາກຖານກົມຄຸ້ມຄອງບໍ່ແຮ່. ໃຫ້ກຽດເຂົ້າຮ່ວມຂອງ ຂອງສະຫາຍ ປອ ອະນຸສັກ ພົງສະຫວັດ ຮອງປະທານສະຫະພັນກຳມະບານ ກະຊວງພະລັງງານ ແລະ ບໍ່ແຮ່; ສະຫາຍ ບຸນຍົງ ສີດາວົງ ເລຂາໜ່ວຍພັກ, ຮັກສາການຫົວໜ້າກົມຄຸ້ມຄອງບໍ່ແຮ່; ມີບັນດາ ສະຫາຍ ຄະນະບໍລິຫານງານສະຫະພັນກະຊວງ, ໜ່ວຍຮາກຖານກຳມະບານອ້ອມຂ້າງກະຊວງ, ຕ່າງໜ້າອົງການຈັດຕັ້ງພາຄີຊາວໜຸ່ມ ແລະ ແມ່ຍິງ ພ້ອມດ້ວຍຜູ້ແທນກອງປະຊຸມໃຫຍ່ເຂົ້າຮ່ວມຢ່າງພ້ອມພຽງ.
ສະຫາຍ ນາງ ວິນນະສອນ ພົມມະສຸກ ຮອງປະທານ ໜ່ວຍກຳມະບານຮາກຖານກົມຄຸ້ມຄອງບໍ່ແຮ່ ໄດ້ຂຶ້ນກ່າວເປີດກອງປະຊຸມ ພ້ອມທັງລາຍງານບົດລາຍງານການເມືອງທັງສອງພາກຕໍ່ກອງປະຊຸມ. ໃນບົດລາຍງານດັ່ງກ່າວ ໄດ້ຕີລາຄາຢ່າງພາວະວິໃສ ເຖິງຜົນສໍາເລັດ, ຂໍ້ສະດວກ, ຂໍ້ຫຍຸ້ງຍາກ ໃນການເຄື່ອນໄຫວວຽກງານກຳມະບານ ຢູ່ພາຍໃນກົມຄຸ້ມຄອງບໍ່ແຮ່ ຕະຫຼອດໄລຍະ 5 ປີທີ່ຜ່ານມາ. ຫຼັງຈາກນັ້ນ, ຜູ້ແທນກອງປະຊຸມໃຫຍ່ ກໍ່ໄດ້ພ້ອມກັນປະກອບຄຳເຫັນຢ່າງກົງໄປກົງມາ ເພື່ອເຮັດໃຫ້ຮ່າງບົດລາຍງານການເມືອງມີເນື້ອໃນຄົບຖ້ວນ, ສົມບູນ ແລະ ພ້ອມກັນຮັບຮອງເອົາຢ່າງເປັນເອກະສັນ.
ກອງປະຊຸມໃຫຍ່ ໄດ້ຮັບຟັງການໂອ້ລົມ ແລະ ໃຫ້ທິດຊີ້ນຳຂອງ ສະຫາຍ ບຸນຍົງ ສີດາວົງ, ເລຂາໜ່ວຍພັກ, ຮັກສາການຫົວໜ້າກົມຄຸ້ມຄອງບໍ່ແຮ່ ສະຫາຍ ຮຽກຮ້ອງໃຫ້ສະມາຊິກກຳມບານພາຍໃນໜ່ວຍຈົ່ງເສີດຊູ່ ແລະ ຍົກສູງຄວາມຮັບຜະດຊອບໜ້າທີ່ການເມືອງຂອງຕົນໃຫ້ໜັກແໜ້ນກວ່າເກົ່າໂດຍສະເພາະໃນ ສະພາບເສດຖະກິດທີ່ມີຄວາມອ່ອນໄຫວໃນປັດຈຸບັນນີ້ ສະຫາຍ ໄດ້ເນັ້ນໃສ່ໃຫ້ຄະນະກຳມະບານຊຸດໃໝ່ທີ່ຈະເລືອກຕັ້ງໃນມື້ນີ້ ສຶບຕໍ່ສຶກສາອົບຮົມວຽກງານແນວຄິດການເມືອງໃຫ້ແກ່ບັນດາສະມາຊິກກຳມະບານ ໃຫ້ເອົາໃຈໃສ່ປັບປຸງແກ້ໄຂຂໍ້ຄົງຄ້າງຂອງຕົນ ໂດຍສະເພາະ ວຽກງານວິຊາສະເພາະໃຫ້ຫຼາຍຂຶ້ນ. ອີກອັນໜຶ່ງ, ໃຫ້ເອົາໃຈໃສ່ ຕໍ່ກັບວຽກງານກວດກາ ແມ່ນໃຫ້ມີການຕຳນິສົ່ງຂ່າວກັນຢ່າງກົງໄປກົງມາໃຫ້ຫຼາຍຍິ່ງຂຶ້ນ ເພື່ອເປັນການກໍ່ສ້າງສະມາຊິກ ໃຫ້ມີແນວຄິດໜັກແໜ້ນ, ອຸ່ນອ່ຽງທຸນທ່ຽງ ຕໍ່ກັບແນວທາງການນຳພາຂອງພັກ.
ຕອນທ້າຍຂອງກອງປະຊຸມໃຫຍ່ ໄດ້ຮັບຟັງ ການໂອ້ລົມ ແລະ ໃຫ້ທິດຊີ້ນຳຂອງສະຫາຍ ປອ ອະນຸສັກ ພົງສະຫວັດ ຮອງປະທານສະຫະພັນກຳມະບານ ກະຊວງພະລັງງານ ແລະ ບໍ່ແຮ່, ຊຶ່ງກ່ອນອື່ນ ສະຫາຍໄດ້ສະແດງຄວາມຍ້ອງຍໍຊົມເຊີຍ ແລະ ຕີລາຄາສູງ ຕໍ່ຜົນງານທີ່ໜ່ວຍກຳມະບານຮາກຖານ ກົມຄຸ້ມຄອງບໍ່ແຮ່ ທີ່ຍາດມາໄດ້ຕະຫຼອດໄລຍະ 5 ປີຜ່ານມາ. ພ້ອມກັນນີ້, ສະຫາຍ ຍັງໄດ້ເນັ້ນໃຫ້ຄະນະໜ່ວຍຊຸດໃໝ່ ສືບຕໍ່ເອົາໃຈໃສ່ສຶກສາອົບຮົມການເມືອງແນວຄິດໃຫ້ສະມາຊິກກຳມະບານ ພາຍໃນໜ່ວຍ ມີທັດສະນະຫຼັກໝັ້ນ, ມີຄຸນສົມບັດ, ສິນທຳປະຕິວັດ; ຍົກສູງຄວາມຮັບຜິດຊອບໜ້າທີ່ການເມືອງຂອງຕົນໃຫ້ສູງຂຶ້ນກວ່າເກົ່າ ເພື່ອຮັບປະກັນໃຫ້ການຊີ້ນຳ-ນຳພາວຽກງານກຳມະບານຂອງກົມຄຸ້ມຄອງບໍ່ແຮ່ ໃນຕໍ່ໜ້າ ເຕີບໃຫຍ່, ເຂັ້ມແຂງ ແລະ ໜັກແໜ້ນກວ່າເກົ່າ; ຈັດຕັ້ງປະຕິບັດຂໍ້ແຂງຂັນ 5 ບຸກ ໃນແຕ່ລະໄລຍະ ໃຫ້ບັນລຸຕາມແຜນການທີ່ວາງໄວ້, ນຳພາສະຊາຊິກກຳມະບານພາຍໃນໜ່ວຍ ໃຫ້ກາຍເປັນກຳມະບານແບບຢ່າງໃນການເຄື່ອນໄຫວວຽກງານຕ່າງໆ ເຊັ່ນ: ວຽກງານວິຊາສະເພາະ, ວຽກງານຂະບວນການ, ວຽກງານຊ່ວຍເຫຼືອສັງຄົມ, ວຽກງານປ້ອງກັນຊາດ-ປ້ອງກັນຄວາມສະຫງົບ ແລະ ວຽກງານ ອື່ນໆ;
