3. ເພື່ອເປັນການໂຄສະນາແນວທາງ, ນະໂຍບາຍຂອງພັກ-ລັດ ຜົນສໍາເລັດຂອງກອງປະຊຸມໃຫຍ່ ຄັ້ງທີ XI ຂອງພັກ, ກອງປະຊຸມໃຫຍ່ຜູ້ແທນສະຫະພັນກຳມະບານລາວ ທົ່ວປະເທດ ຄັ້ງທີ VIII ແລະ ຜົນສຳເລັດກອງປະຊຸມໃຫຍ່ຂັ້ນຂອງຕົນໃຫ້ແກ່ສະມາຊິກກຳມະບານ, ກຳມະກອນ ແລະ ຜູ້ອອກແຮງງານໄດ້ຮັບຮູ້, ເຂົ້າໃຈ ແລະ ເຊື່ອມຊືມຕໍ່ວຽກງານກຳມະບານ, ພ້ອມເປັນ ການໂຄສະນາປຸກລະດົມ, ດຶງດູດເອົາມະຫາຊົນເຂົ້າໃນການຈັດຕັ້ງກຳມະບານລາວໃຫ້ນັບມື້ເຂັ້ ມແຂງທາງດ້ານປະລິມານ ແລະ ຄຸນນະພາບ
4. ແນ່ໃສ່ປຸກລະດົມ ແລະ ສ້າງຈິດສໍານຶກໃຫ້ແກ່ ສະມາຊິກກໍາມະບານ, ກຳມະກອນ ຫ້າວຫັນ ໃນການປະຕິວັດໜ້າທີ່ ວຽກວິຊາສະເພາະ, ມີລະບຽບວິໄນໃນການອອກແຮງງານ ແລະ ຕັ້ງໜ້າປະຕິບັດຂໍ້ແຂ່ງຂັນ 5 ເປັນເຈົ້າ ຂອງສະຫະພັນກໍາມະບານລາວ ຕິດພັນກັບຂໍ້ແຂ່ງຂັນ ຮັກຊາດ ແລະ ພັດທະນາ.