ທ່ານ ຮອງລັດຖະມົນຕີ ລົງເຄື່ອນໄຫວ, ຕິດຕາມ-ຊຸກຍູ້ ແລະ ເຮັດວຽກຢູ່ ແຂວງຫຼວງພະບາງ

          ຂະນະດຽວກັນ ທ່ານ ຫົວໜ້າພະແນກພະລັງງານ ແລະ ບໍ່ແຮ່ ແຂວງຫຼວງພະບາງ ກໍ່ໄດ້ລາຍງານກ່ຽວກັບການຈັດຕັ້ງປະຕິບັດວຽກງານພະລັງງານ ແລະ ບໍ່ແຮ່ ຢູ່ແຂວງຫຼວງພະບາງວ່າ: ປະຈຸບັນ ແຂວງຫຼວງພະບາງ ມີໂຄງການພັດທະນາແຫຼ່ງຜະລິດໄຟຟ້າ ທີ່ຂັ້ນສູນກາງ ແລະ ຂັ້ນແຂວງອະນຸຍາດທັງໝົດມີ 6 ໂຄງການ, ໂຄງການດໍາເນີນການກໍ່ສ້າງມີ 1 ໂຄງການ (ໂຄງການເຂື່ອນໄຟຟ້ານ້ຳຂອງ ຫຼວງພະບາງ ປະຈຸບັນ ມີຄວາມຄືບໜ້າ 37.40%), ທົ່ວແຂວງມີ 12 ເມືອງ, ມີ 765 ບ້ານ ແລະ ໄດ້ຊົມໃຊ້ໄຟຟ້າຖາວອນໃນລະບົບ ຈໍານວນ 719 ບ້ານ ເທົ່າກັບ 92,75% ຂອງຈໍານວນບ້ານທັງໝົດ, ປະຈຸບັນໄດ້ສະໜອງກະແສໄຟຟ້າລາຍໃຫຍ່ ເຊັ່ນ: ໂຮງງານຊີມັງຫຼວງພະບາງຂຽງເກີ, ໂຮງງານຊີມັງຄອນ, ບໍ່ຄໍາຜາປົ່ນ, ສູນ Web Data, ບໍລິສັດ LCRC ສິຖານນີລົດໄຟຫຼວງພະບາງ, ໂຄງການກໍ່ສ້າງເຂື່ອນໄຟຟ້າຫຼວງພະບາງ, ບໍລິສັດ ເອັດເອັມຈີ ກຣຸບ ຈຳກັດ ແລະ ບໍລິສັດ ແອວເອສ ການຄ້າ ຂາອອກ-ຂາເຂົ້າ ຈຳກັດ ຈຳນວນ 1,121.94 ລ້ານກິໂລວັດໂມງ (kWh); ມີໂຄງການຊອກຄົ້ນ-ສໍາຫຼວດ, ຂຸດຄົ້ນ ແລະ ປຸງແຕ່ງແຮ່ທາດແບບປົກກະຕິ ແລະ ແບບທົດລອງ ທີ່ຂັ້ນສູນກາງ ແລະ ຂັ້ນແຂວງຄຸ້ມຄອງ ທັງໝົດມີ 16 ບໍລິສັດ, ພວມດຳເນີນການຊອກຄົ້ນແຮ່ທາດ 3 ບໍລິສັດ, ສຳຫຼວດແຮ່ທາດ 6 ບໍລິສັດ, ກຳລັງຂຽນບົດວິພາກເສດຖະກິດ-ເຕັກນິກ 1 ບໍລິສັດ, ຂຸດຄົ້ນ-ປຸງແຕ່ງແຮ່ທາດ 6 ບໍລິສັດ, ໂຄງການທົດລອງ 9 ບໍລິສັດ ພາຍໃນແຂວງ. ໃນໄລຍະ 9 ເດືອນຜ່ານມາ ສາມາດຂຸດຄົ້ນ-ປຸງແຕ່ງແຮ່ຄໍາໄດ້ 158,278.34 ໂຕນ, ທຽບໃສ່ແຜນການປະຕິບັດໄດ້ລື່ນຄາດໝາຍ 2.76%.

ຈາກນັ້ນ ກໍ່ໄດ້ພ້ອມກັນປະກອບຄໍາຄິດຄໍາເຫັນ ເພື່ອເຮັດໃຫ້ວຽກງານດັ່ງກ່າວ ໄດ້ຮັບການຈັດຕັ້ງປະຕິບັດໃຫ້ມີຜົນສໍາເລັດ.

ພາບ ແລະ ຂ່າວ: ແຂວງຫຼວງພະບາງ

Website: www.mem.gov.la

ສາຍດ່ວນ: 1506