ໃນວັນທີ 06 ພຶດສະພາ 2025 ນີ້, ທີ່ ຫ້ອງວ່າການແຂວງ ສະຫວັນນະເຂດ, ກົມທຸລະກິດພະລັງງານ (ກທພ), ກະຊວງພະລັງງານ ແລະ ບໍ່ແຮ່ ໃນຖານະກອງເລຂາ ຄະນະກຳມະການຊີ້ນໍາຮ່ວມໂຄງການ ພະລັງງານລົມ ເຈືອງເຊີນ ແລະ ໂຄງການ ພະລັງງານລົມສະຫວັນ 1 ໄດ້ຈັດກອງປະຊຸມ ຄົບຄະນະຄັ້ງທີ 1 ຂຶ້ນຢ່າງເປັນທາງການ ພາຍໃຕ້ການເປັນປະທານຂອງ ທ່ານ ໂພໄຊ ໄຊຍະສອນ ລັດຖະມົນຕີ ກະຊວງພະລັງງານ ແລະ ບໍ່ແຮ່, ມີບັນດາ ທ່ານ ຄະນະກຳມະການຈາກຂະແໜງການທີ່ກ່ຽວຂ້ອງທັງຢູ່ສູນກາງ ແລະ ທ້ອງຖິ່ນ (ແຂວງ ບໍລິຄຳໄຊ ແລະ ແຂວງ ສະຫວັນນະເຂດ) ເຂົ້າຮ່ວມ.
ໃນໄລຍະຜ່ານມາລວມທັງຂໍ້ສະດວກ, ຂໍ້ຫຍຸ້ງຍາກ ແລະ ວິທີທາງແກ້ໄຂໃນຕໍ່ໜ້າ ແລະ ການຈັດຕັ້ງ ປະຕິບັດວຽກງານຂອງ ຄະນະຊີ້ນຳລວມ ແລະ ກອງເລຂາ. ຫຼັງຈາກນັ້ນໜ່ວຍງານຈັດສັນຈາກແຕ່ລະພາກສ່ວນທີ່ກ່ຽວຂ້ອງ ລາຍງານການປະຕິບັດວຽກງານຂອງໜ່ວຍງານ RMU ແລະ ໜ່ວຍງານ EMU ຂອງໂຄງການ ພະລັງງານລົມ ເຈືອງເຊີນ ແລະ ໂຄງກນ ພະລັງງານລົມສະຫວັນ 1 ໃນການຈັດຕັ້ງປະຕິບັດ ແລະ ການແກ້ ໄຂບັນຫາຕ່າງໆຂອງໂຄງການໃນໄລຍະຜ່ານ ສະເໜີລາຍງານບັນຫາການຈັດຕັ້ງປະຕິບັດ ໂຄງການ ຂໍ້ສະດວກ ແລະ ຂໍ້ຫຍຸ້ງຍາກ ໃນການຈັດຕັ້ງປະຕິບັດໂຄງການໃນໄລຍະຜ່ານມາຂອງໂຄງການ.
ພາຍຫຼັງໄດ້ຮັບຟັງການລາຍງານຈາກແຕ່ລະພາກສ່ວນແລ້ວ ຜູ້ເຂົ້າຮ່ວມກອງປະຊຸມກໍ່ໄດ້ພັດປ່ຽນກັນປະກອບຄຳເຫັນຕໍ່ບົດລາຍງານຕ່າງໆ ເພື່ອເຮັດໃຫ້ບົດລາຍງານເຫຼົ່ານັ້ນມີຄວາມຊັດເຈນ, ສົມບູນ, ຈະແຈ້ງ ແລະ ສອດຄ່ອງກັບການຈັດຕັ້ງປະຕິບັດວຽກງານຕົວຈິງຂອງໂຄງການ. ພ້ອມກັນນີ້, ກໍ່ໄດ້ແນະນຳ ແລະ ຊອກຫາວິທີການແກ້ໄຂບັນຫາທີ່ຫຍຸ້ງຍາກ ເພື່ອເຮັດໃຫ້ການຈັດຕັ້ງປະຕິບັດວຽກງານຂອງໂຄງການໃນຕໍ່ໜ້າດຳເນີນໄປຢ່າງມີປະສິດທິພາບ, ມີປະສິດທິຜົນ ແລະ ສຳເລັດຕາມແຜນການທີ່ວາງໄວ້.
