ຫ້ອງການພະລັງງານ ແລະ ບໍ່ແຮ່ ເມືອງ ຊານໄຊ ແຂວງ ອັດຕະປື ຈັດພິທີປະກາດ ພະນັກງານອອກພັກຜ່ອນ ຮັບເບ້ຍບໍານານ ແລະ ແຕ່ງຕັ້ງວ່າການຫົວໜ້າ ຫ້ອງການ ພ້ອມທັງມອບ-ຮັບໜ້າທີ່ ລະຫວ່າງຫົວໜ້າຫ້ອງການຜູ້ເກົ່າ ແລະ ຜູ້ໃໝ່.

           ຕອນເຊົ້າ ວັນພະຫັດ ວັນທີ 6 ເມສາ 2023 ທີ່ສະໂມສອນຫ້ອງວ່າການເມືອງ ໂດຍໃຫ້ກຽດເປັນປະທານພິທີ ຂອງທ່ານ ບົວລາ ພັນມີໄຊ ຄະນະປະຈໍາພັກເມືອງ, ຮອງເຈົ້າເມືອງ ແລະ ທ່ານ ອູທອງ ສິດທິຍະວົງ ຄະນະພັກຮາກຖານ, ຮອງຫົວໜ້າພະແນກ ພະລັງງານ ແລະ ບໍ່ແຮ່ ແຂວງ ອັດຕະປື ແລະ ມີບັນດາທ່ານ ຫົວໜ້າຫ້ອງການ ອ້ອມຂ້າງເມືອງ, ບັນດາທ່ານ ຫົວໜ້າຂະແໜງ ຂອງພະແນກ, ຫົວໜ້າຫ້ອງການ ພບ 4 ຕົວເມືອງ ແລະ ພະນັກງານ-ລັດຖະກອນ ພາຍໃນຫ້ອງການເຂົ້າຮ່ວມຢ່າງພ້ອມພຽງ.

          ໃນພິທີ ທ່ານ ຄໍາເຄັງ ແກ້ວບົວພາດ ກໍາມະການພັກເມືອງ ຫົວໜ້າຫ້ອງການ ພາຍໃນເມືອງ ຂື້ນຜ່ານຂໍ້ຈົກລົງ ຂອງທ່ານເຈົ້າເມືອງ ວ່າດ້ວຍການອະນຸມັດໃຫ້ ທ່ານ ວົງຈັນ ເສີມທະວີສຸກ ຫົວໜ້າຫ້ອງການ ພະລັງງານ ແລະ ບໍ່ແຮ່ ເມືອງ ຊານໄຊ ອອກພັກຜ່ອນ ຮັບເບ້ຍບໍານານ ນັບແຕ່ວັນທີ 1 ມັງກອນ 2023 ເປັນຕົ້ນໄປ ຕໍ່ມາ ທ່ານ ຄໍາຈັນ ແກ່ຕາພັນ ຮອງຫົວໜ້າ ຄະນະຈັດຕັ້ງເມືອງ ໄດ້ຂື້ນຜ່ານຂໍ້ຕົກລົງ ຂອງທ່ານ ເຈົ້າເມືອງ ວ່າດ້ວຍແຕ່ງຕັ້ງ ທ່ານ ພູນສຸກ ແກ້ວຄໍາເພຍ ເລາຂາໜ່ວຍພັກ, ຮັກສາການຫົວໜ້າຫ້ອງການ ຂື້ນມາເປັນ ວ່າການແທນ ຫົວໜ້າຫ້ອງການພະລັງງານ ແລະ ບໍ່ແຮ່ ເມືອງ ຊານໄຊ

ຫຼັງຈາກນັ້ນ ທ່ານ ວົງຈັນ ເສີມທະວີສຸກ ກໍ່ໄດ້ຂື້ນຜ່ານບົດບັນທຶກ ແລະ ເຊັນມອບ-ຮັບໜ້າທີ່ກັນ ເພື່ອໃຫ້ວ່າການຫົວໜ້າຫ້ອງການ ຜູ້ໃໝ່ໄດ້ສືບຕໍ່ ຊີ້ນໍາໆພາຈັດຕັ້ງປະຕິບັດວຽກງານ ຢ່າງຕໍ່ເນື່ອງ ເຊິ່ງປະກອບມີ 7ໜ້າວຽກໃຫຍ່ຄື: (1) ວຽກງານ ວິຊາສະເພາະ ພະລັງງານ ແລະ ບໍ່ແຮ່, (2) ວຽກພັກ ແລະ ອົງການຈັດຕັ້ງມະຫາຊົນ, (3) ວຽກງານ ກໍ່ສ້າງຮາກຖານການເມືອງ, (4) ວຽກສາມສ້າງ, (5) ວຽກ 2 ວາລະແຫ່ງຊາດ, (6) ວຽກຕ້ານ ແລະ ສະກັດກັ້ນປະກົດການຫຍໍ້ທໍ້ຕາມຂະແໜງການ ແລະ (7) ວຽກແກ້ໄຂ ບັນຫາໜີ້ສິນຄ່າກະແສໄຟຟ້າ.
ພາບ ແລະ ແຫຼ່ງຂໍ້ມູນ: ພະແນກ ພະລັງງານ ແລະ ບໍ່ແຮ່ ແຂວງ ອັດຕະປື