ໃນຕອນເຊົ້າ ວັນທີ 15 ກັນຍາ 2023 ທ່ານ ເພັດພາພອນ ລັດຖະຈັກ ຮອງຫົວໜ້າຫ້ອງການ ກະຊວງ ພະລງັງານ ແລະ ບໍ່ແຮ່ ພ້ອມດ້ວຍຄະນະ ແລະ ພາກສ່ວນທີ່ກ່ຽວຂ້ອງ ໄດ້ລົງສຳຫຼວດປະຕິບັດ ພາກສະໜາມຕົວຈີ່ງ ທີ່ ແຂວງຄຳມວນ ຕາມການເຊີນ ຂອງບໍລິສັດ ບໍລິສັດ ຊີໂນ-ອາກີຣ ໂປຕາສ ຈໍາກັດ ເຊີງໃຫ້ການຕ້ອນຮັບ ຈາກ ທ່ານ Wang jiandong ຮອງຜູ້ອໍານວຍການ ບໍລິສັດ ຊີໂນ-ອາກີຣ ໂປຕາສ ຈໍາກັດ ພ້ອມດ້ວຍພະນັກງານກຳມະກອນພາຍໃນບໍລິສັດ.
ໃນໂອກາດດັ່ງກ່າວ ທ່ານ ຮອງຜູ້ອໍານວຍການ ບໍລິສັດ ຊີໂນ-ອາກີຣ ໂປຕາສ ຈໍາກັດ ໄດ້ລາຍງານສະພາບການຈັດຕັ້ງປະຕິບັດຂອງໂຄງການໂດຍຫຍໍ້ ບາງຕອນ ທ່ານ ໃຫ້ຮູ້ວ່າ: ໃນວັນທີ 24 ມີນາ 2023 ທີ່ຜ່ານມາ, ບໍລິສັດ ຊີໂນ-ອາກຣີ ໂປຕາສ ຈຳກັດ (ເອີ້ນຫຍໍ້ວ່າ ຊີໂນອາກຣີ) ແລະ ລັດຖະບານ ໄດ້ຮ່ວມຈັດພິທີເຊັນບົດບັນທຶກວ່າດ້ວຍໂຄງການນິຄົມອຸດສະຫະກຳອັດສະລິຍະແບບໝູນວຽນ ອາຊີໂປຕາສສາກົນ (ຫຼືເອີ້ນຫຍໍ້ວ່າ ນິຄົມອຸດສະຫະກຳ), ພາຍໃຕ້ການສະໜັບສະໜູນຈາກ ລັດຖະບານລາວ, ຊີໂນ-ອາກກຣີໂປຕາສ ໄດ້ກໍ່ສ້າງນິຄົມອຸດສາຫະກໍາການຜະລິດຢູ່ທີ່ ບ້ານດົງໃຕ້,ເມືອງທ່າແຂກ, ແຂວງ ຄໍາມ່ວນ ເຊິ່ງລວມມີ 3 ພາກສ່ວນໃຫຍ່ຄື: 1. ເຂດອຸດສາຫະກໍາຝຸ່ນໂປຕາສ, 2,ເຂດອຸດສາຫະກໍາອະໂປຕາສ ແລະ 3. ຕົວເມືອງ ອາຊີໂປຕາສ, ເຊິ່ງກວມເອົາເນື້ອທີ່ທັງໝົດປະມານ 2.000 ເຮັກຕາ ແລະ ຄາດວ່າຈະມີການລົງທຶນທັງໝົດ 4.310 ລ້ານໂດລາສະຫະລັດ.
