ຄະນະຊາວໜຸ່ມປະຊາຊົນປະຕິວັດລາວ ກະຊວງພະລັງງານ ແລະ ບໍ່ແຮ່ ນຳພາໂດຍ ສະຫາຍ ມ້ອນ ເພັດພູໄທ ຮອງເລຂາຄະນະບໍຫານງານ ຊາວໜຸ່ມປະຊາຊົນປະຕິວັດລາວກະຊວງ ພ້ອມດ້ວຍຊາວໜຸ່ມທີ່ມາຈາກຮາກຖານຕ່າງໆອ້ອມຂ້າງກະຊວງ ຈຳນວນ 98 ສະຫາຍ ເຂົ້າຮ່ວມຂະບວນການອອກແຮງງານລວມວັນເສົາແດງ ໃນຂອບເຂດໃຈກາງນະຄອນຫລວງວຽງຈັນ ໃນວັນທີ 10 ກຸມພາ 2024 ທີ່ຜ່ານມາ, ຮ່ວມກັບບັນດາ ຄະນະຊາວໜຸ່ມປະຊາຊົນປະຕິວັດລາວກະຊວງ,ອົງການ ແລະ ນະຄອນຫລວງວຽງຈັນ.
ສະຫາຍ ມອນໄຊ ລາວມົ່ວຊົງ ກຳມະການສຳຮອງສູນກາງພັກ, ເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ ກ່າວວ່າ: ຂະບວນການອອກແຮງງານຂອງຊາວໜຸ່ມຄັ້ງນີ້ ຈັດຂຶ້ນເພື່ອເປັນການສ້າງຂະບວນການຂໍ່ານັບຮັບຕ້ອນວັນສຳຄັນຕ່າງໆຂອງພັກຂອງຊາດ ເປັນຕົ້ນແມ່ນວັນສ້າງຕັ້ງກອງປະຊາຊົນລາວ ຄົບຮອບ 75 ປີ, ອວຍພອນວັນເກີດປະທານ ຄຳໄຕ ສີພັນດອນ ອາດີດປະທານພັກ, ປະທານປະເທດ ຄົວຮອບ 100ປີ, ວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 69 ປີ ແລະ ພິເສດ ເພື່ອຂໍ່ານັບຮັບຕ້ອນການເປັນປະທານອາຊຽນ ຂອງ ສປປລາວ ໃນປີ 2024 ນີ້ ໃຫ້ມີຄວາມສະອາດສວຍງາມ.
ໂດຍ: ຄຳແສງ ແກ້ວປະເສີດ
