ຕອນເຊົ້າວັນທີ 13 ມີນາ 2024 ນີ້, ທີ່ຫ້ອງຮັບແຂກຊັ້ນ 2 ກະຊວງພະລັງງານ ແລະ ບໍ່ແຮ່, ທ່ານ ນາງ ສິລິກິດ ບຸບຜາ ຮອງປະທານຄະນະບໍລິຫານງານສູນກາງສະຫະພັນແມຍິງລາວ ພ້ອມດ້ວຍຄະນະ ໄດ້ເຂົ້າຢ້ຽມຂໍ່ານັບ ທ່ານ ໂພໄຊ ໄຊຍະສອນ ລັດຖະມົນຕີ ກະຊວງພະລັງງານ ແລະ ບໍ່ແຮ່ ເພື່ອປຶກສາຫາລື ໂດຍສະເພາະການຮ່ວມມື ໃນວຽກງານສົ່ງເສີມຄວາມກ້າວໜ້າຂອງແມ່ຍິງ ໃນຂົງເຂດດ້ານພະລັງງານ ແລະ ບໍ່ແຮ່.
ໃນໂອກາດດັ່ງກ່າວ ທ່ານ ລັດຖະມົນຕີ ໄດ້ສະແດງຄວາມຕ້ອນຮັບ ແລະ ຕີລາຄາສູງ ຕໍ່ ທ່ານ ຮອງປະທານຄະນະບໍລິຫານງານສູນກາງສະຫະພັນແມຍິງລາວ ທີ່ໄດ້ມາຢ້ຽມຢາມກະຊວງພະລັງງານ ແລະ ບໍ່ແຮ່.
ທ່ານ ຮອງປະທານ ສສພຍ ສແດງຄວາມຂອບໃຈ ຕໍ່ການຕ້ອນຮັບ ແລະ ພົບປະຄັ້ງນີ້ຂອງ ທ່ານ ລັດຖະມົນຕີ ເຊິ່ງເປັນຂີດໝາຍສຳຄັນ ໃນການເພີ້ມທະວີການພົວພັນຮ່ວມມືໃນຫຼາຍໆດ້ານ ໂດຍສະເພາະແມ່ນວຽກງານ ສົ່ງເສີມຄວາມກ້າວໜ້າຂອງແມ່ຍິງ ຂອງກະຊວງ ພະລັງງານ ແລະ ບໍ່ແຮ່ ໃຫ້ເຕີບໃຫຍ່ຂະຫຍາຍຕົວ ແລະ ແໜ້ນແຟ້ນຂຶ້ນເລື້ອຍໆ.
ພາບ ແລະ ຂ່າວ: ສົມສະນຸກ
ຮຽບຮຽງ: ຄຳແສງ ແກ້ວປະເສີດ
Website: www.mem.gov.la
ສາຍດ່ວນ: 1506
