ພາຍຫຼັງພົບປະການນຳແຂວງ ທ່ານ ຮອງ ລັດຖະມົນຕີ ກະຊວງ ພະລັງງານ ແລະ ບໍ່ແຮ່ ກໍ່ໄດ້ໄດ້ໂອ້ລົມ ຕໍ່ພະນັກງານການນໍາ, ພະນັກງານຫຼັກແຫຼ່ງ ພະແນກການພະລັງງານ ແລະ ບໍ່ແຮ່ ແຂວງ ວຽງຈັນ ຢູ່ຫ້ອງປະຊຸມ ພະແນກໃຫ້ກຽດຕ້ອນຮັບໂດຍທ່ານ ຄຳພຸດ ນາມວົງສັກ ຫົວໜ້າພະແນກພະລັງງານ ແລະ ບໍ່ແຮ່ ແຂວງ ວຽງຈັນ ພ້ອມດ້ວຍຄະນະ, ມີບັນດາຕ່າງໜ້າກົມ, ຮອງກົມ ຈາກກະຊວງພະລັງງານ ແລະ ບໍ່ແຮ່ ພ້ອມດ້ວຍພະນັກງານການນໍາ, ພະນັກງານຫຼັກແຫຼ່ງ ພາຍໃນພະແນກພະລັງງານ ແລະ ບໍ່ແຮ່ ຫົວໜ້າຫ້ອງການພະລັງງານບໍ່ແຮ່ເມືອງເຂົ່າຮ່ວມ.
ເນື່ອງໂອກາດດັ່ງກ່າວ ທ່ານຮອງລັດຖະມົນຕີ ໄດ້ມີຄຳເຫັນ ໂອ້ລົມຊີ້ໃຫ້ຄະນະພັກ-ຄະນະນໍາພະແນກພະລັງງານ – ບໍ່ແຮ່ ພ້ອມກັນລົງເລິກນໍາພາ – ຊີ້ນໍາພະນັກງານ ວິຊາການ, ວິຊາສະເພາະໃນລະດັບຕ່າງໆ ໂດຍການເຊື່ອມຊື່ມແນວທາງນະໂຍບາຍຂອງພັກ, ລະບຽບການ, ກົດໜາຍ ແລະ ນິຕິກຳຕ່າງໆ ເປັນປົກກະຕິຕໍ່ເນື່ອງ. ຍຶດຖືຕາມແນວທາງນະໂຍບາຍຂອງພັກ, ລະບຽບກົດໜາຍຂອງລັດເປັນກົກ, ຕັ້ງໜ້າປະຕິບັດວຽກງານວິຊາການ-ວິຊາສະເພາະ ເປັນສໍາຄັນ ແລະ ຮັບປະກັນຄວາມຖືກຕ້ອງ, ໂປງໃສ ຍຸຕິທຳ. ພ້ອມດຽວກັນນີ້ ກໍ່ຕ້ອງໄດ້ມີການປະຊຸມ ປຶກສາຫາລື ວາງແຜນການຄຸ້ມຄອງ, ຕິດຕາມ, ກວດກາ ແລະ ຊຸກຍູ້ ໃນແຕ່ລະໄລຍະ ຢ່າງເປັນລະບົບ ຮວ່ມກັບ ພາກສ່ວນກ່ຽວຂ້ອງທັງຂັ້ນທ້ອງຖິ່ນ ແລະ ສູນກາງ ປົກກະຕິ.
