ພະແນກ ພະລັງງານ ແລະ ບໍ່ແຮ່ ແຂວງ ໄຊສົມບູນ ປະກາດການຈັດຕັ້ງຂັ້ນຫົວໜ້າ, ຮອງຫົວໜ້າຂະແໜງ

          ຕອນທ້າຍຂອງພິທີ ທ່ານ ບຸນທຽມ ໄຊສົງຄາມ ກຳມະການພັກແຂວງ, ຫົວໜ້າ ພະແນກ ພະລັງງານ ແລະ ບໍ່ແຮ່ ແຂວງໄຊສົມບູນ ໄດ້ມີຄຳເຫັນໂອ້ລົມວ່າ: ການປັບປຸງການຈັດຕັ້ງຄັ້ງນີ້ ແມ່ນອີງໃສ່ຄວາມຮຽກຮ້ອງຕ້ອງການຂອງໜ້າທີ່ວຽກງານ ເພື່ອປັບປຸງຊັບຊ້ອນພະນັກງານນຳພາ-ຄຸ້ມຄອງຢູ່ແຕ່ລະຂັ້ນ ໃຫ້ມີຄວາມໜັກແໜ້ນ ທາງດ້ານການເມືອງເຂັ້ມແຂງທາງດ້ານການຈັດຕັ້ງ ເປັນຕົ້ນແມ່ນ ເພື່ອຮອງຮັບໃຫ້ແກ່ການດຳເນີນກອງປະຊຸມໃຫຍ່ 3 ຂັ້ນທີ່ຈະມາເຖິງນີ້ ແລະ ທັງເປັນໂອກາດເພື່ອສ້າງພະນັກງານ ສືບທອດປ່ຽນແທນຢູ່ແຕ່ລະຂັ້ນ ໃນສະເພາະໜ້າ ແລະ ຍາວນານ; ອີກດ້ານໜຶ່ງເພື່ອເຮັດໃຫ້ການຈັດຕັ້ງສາມາດນໍາພາ-ຊີ້ນໍາຂັບເຄື່ອນຕາມແຜນພັດທະນາເສດຖະກິດ-ສັງຄົມໃຫ້ໄປຕາມແຜນ ແລະ ບັນລຸຕາມເປົ້າໝາຍ ທີ່ວາງໄວ້ ແລະ ທ່ານຍັງມີທິດຊິ້ນຳໃຫ້ ພະນັກງານທັງໝົດ ນັບທັງຜູ້ທີ່ໄດ້ຮັບການແຕ່ງຕັ້ງ ຫຼື ບໍ່ທັນໄດ້ຮັບການແຕ່ງຕັ້ງ-ຊັບຊ້ອນ ກໍ່ເຊັ່ນດຽວກັນ, ຈົ່ງສືບຕໍ່ຄົ້ນຄວ້າກໍາແໜ້ນເນື້ອໃນຈິດໃຈຂອງມະຕິກອງປະຊຸມໃຫຍ່ ຄັ້ງທີ XI ຂອງພັກ ແລະ ມະຕິກອງປະຊຸມໃຫຍ່ ຄັ້ງທີ 1 ຂອງຄະນະບໍລິຫານງານພັກແຂວງໄຊສົມບູນ, ແຜນພັດທະນາເສດຖະກິດ-ສັງຄົມຂອງແຂວງ ແຕ່ລະໄລຍະ ໂດຍສະເພາະແມ່ນການຈັດຕັ້ງປະຕິບັດດໍາລັດ 414/ລບ ແລະ 2 ວາລະແຫ່ງຊາດ, ທີ່ພັກ-ລັດຖະບານ ໄດ້ຮັບຮອງ, ສືບຕໍ່ຕັ້ງໜ້າຝຶກຝົນຫໍ່ຼຫຼອມຕົນເອງ ທາງດ້ານຄຸນທາດການເມືອງ, ຄຸນສົມບັດສິນທຳປະຕິວັດ ໃຫ້ສົມຄູ່ກັບໜ້າທີ່ຕໍາແໜ່ງທີ່ໄດ້ຮັບມອບໝາຍ, ມີຄວາມເປັນແບບຢ່າງທີ່ດີໃຫ້ແກ່ພະນັກງານ; ຍົກລະດັບຄວາມຮູ້ ຄວາມສາມາດດ້ານຕ່າງໆ ໃຫ້ນັບມື້ນັບສູງຂຶ້ນເລື້ອຍໆ ແລະ ທ່ວງທັນກັບການປ່ຽນແປງໃນໄລຍະໃໝ່, ທັນກັບການຫັນເປັນທັນສະໄໝ, ທັງເຮັດລ້ອນໜ້າທີ່ການເມືອງທີ່ພັກ-ລັດມອບໝາຍໃຫ້ ແລະ ໃຫ້ສົມກັບຄວາມໄວ້ວາງໃຈຂອງມະຫາຊົນ, ຂອງການຈັດຕັ້ງພັກ, ລັດຂັ້ນເທິງ ທີ່ມີຕໍ່ບັນດາທ່ານ.