ໃນວັນທີ 21 ຕຸລາ 2024 ຢູ່ທີ່ ຫ້ອງປະຊຸມຊັ້ນ 2 ຂອງລັດວິສາຫະກິດໄຟຟ້າລາວ ສາຂາແຂວງໄຊສົມບູນ, ພະແນກ ພະລັງງານ ແລະ ບໍ່ແຮ່ ແຂວງໄຊສົມບູນ ໄດ້ເປີດກອງປະຊຸມປະເມີນຜົນການຈັດຕັ້ງປະຕິບັດວຽກງານຂັ້ນຫົວໜ້າ-ຮອງຫົວໜ້າຂະແໜງ ແລະ ວິຊາການ ປະຈຳປີ 2024 ໂດຍການເປັນປະທານຂອງ ທ່ານ ບຸນທຽມ ໄຊສົງຄາມ ກຳມະການພັກແຂວງ, ເລຂາຄະນະພັກຮາກຖານ, ຫົວໜ້າພະແນກພະລັງງານ ແລະ ບໍ່ແຮ່ ແຂວງໄຊສົມບູນ ເຂົ້າຮ່ວມໃນຄັ້ງນີ້ມີ ຫົວໜ້າ-ຮອງຫົວໜ້າພະແນກ, ຫົວໜ້າ-ຮອງຫົວໜ້າຂະແໜງ, ມີພະນັກງານ-ລັດຖະກອນ ພາຍໃນພະແນກ ແລະ ຕາງໜ້າຈາກພາກສ່ວນທີກ່ຽວຂ້ອງ ລວມທັງໝົດ 25 ທ່ານ.
ໃນກອງປະຊຸມ ທ່ານ ບຸນທຽມ ໄຊສົງຄາມ ກໍາມະການພັກແຂວງ, ຫົວໜ້າພະແນກພະລັງງານ ແລະ ບໍ່ແຮ່ ແຂວງໄຊສົມບູນ ໄດ້ກ່າວເປີດກອງປະຊຸມຢ່າງເປັນທາງການ. ພ້ອມກັນນັ້ນຄະນະປະເມີນຂັ້ນແຂວງກໍໄດ້ແນະນໍາການປະເມີນ ແລະ ດຳເນີນການປະເມີນ ຕໍ່ຈາກນັ້ນຜູ້ຖືກປະເມີນພາຍໃນພະແນກ ກໍໄດ້ພ້ອມກັນຂື້ນຜ່ານໃບເກັບກ່ຽວຕົນເອງ ແລະ ໃຫ້ຄະແນນການປະເມີນ ຫຼັງຈາກນັ້ນ ຜູ້ເຂົ້າຮ່ວມກໍ່ໄດ້ແລກປ່ຽນ, ປະກອບຄຳເຫັນ ຢ່າງກົງໄປກົງມາ ເພື່ອເຮັດໃຫ້ການຈັດຕັ້ງການປະເມີນການປະຕິບັດວຽກງານຂອງພະນັກງານຂັ້ນຫົວໜ້າຂະແໜງລົງມາ ຢູ່ພະແນກພະລັງງານ ແລະ ບໍ່ແຮ່ ແຂວງມີເນືອໃນຄົບຖ້ວນ ແລະ ຖືກຕ້ອງ. ຜ່ານການປະເມີນຕົວຈິງ ຈາກຄະນະຮັບຜິດຊອບຂັ້ນແຂວງ ສາມາດຕີລາຄາໄດ້ປະເພດດີທັງໝົດ 18 ທ່ານ.
