ໃນວັນທີ 7 ມັງກອນ 2022 ທີ່ຜ່ານມານີ້, ພະແນກພະແນກພະລັງງານ ແລະ ບໍ່ແຮ່ແຂວງ ໄຊຍະບູລີ ນຳພາໂດຍ ທ່ານ ຄຳກ່າຍ ວົງສີ ຮອງຫົວໜ້າພະແນກ ພະລັງງານ ແລະ ບໍ່ແຮ່ ແຂວງພ້ອມຄະນະ ລົງພົບປະ, ຢ້ຽມຢາມ ແລະ ເຮັດວຽກກັບຫ້ອງການພະລັງງານ ແລະ ບໍ່ແຮ່ ເມືອງ ໄຊສະຖານ ໂດຍໃຫ້ການຕ້ອນຮັບຂອງ ທ່ານ ໝັ້ນ ແກ້ວປະເສີດ ຮອງຫົວໜ້າຫ້ອງການພະລັງງານ ແລະ ບໍ່ແຮ່ເມືອງ ພ້ອມດ້ວຍພະນັກງານ-ລັດຖະກອນພາຍໃນຫ້ອງການ ພະລັງງານ ແລະ ບໍ່ແຮ່ ເມືອງ.
ໃນໂອກາດລົງພົບປະ, ຢ້ຽມ ແລະ ເຮັດວຽກຂອງ ທ່ານ ຫົວໜ້າພະແນກ ພະລັງງານ ແລະ ບໍ່ແຮ່ ແຂວງ ຄັ້ງນີ້, ນອກຈາກ ທ່ານ ໄດ້ພົບປະ, ໂອ້ລົມ ກັບຄະນະພັກ, ຄະນະນຳຫ້ອງການພະລັງງານ ແລະ ບໍ່ແຮ່ ເມືອງແລ້ວ, ທ່ານ ຮອງຫົວໜ້າພະແນກ ພະລັງງານ ແລະ ບໍ່ແຮ່ ແຂວງຍັງໄດ້ນຳເອົາເຄື່ອງໃຊ້ຫ້ອງການ ແລະ ພາຫະນະ (ລົດຈັກ 1 ຄັນ ແລະ ຄ້ອມພິວເຕີ 1 ຊຸດ) ນຳມາມອບໃຫ້ຫ້ອງການ ພະລັງງານ ແລະ ບໍ່ແຮ່ເມືອງ ເພື່ອນຳໃຊ້ເຂົ້າໃນການເຄື່ອນໄຫວປະຕິບັດວຽກງານວິຊາສະເພາະ ແລະ ອຸປະກອນການຮຽນ, ພ້ອມດ້ວຍມອບເຄື່ອງກັນໜາວ ໃຫ້ບ້ານ ປາກລອງ, ເມືອງ ໄຊສະຖານ ຕື່ມອີກ.
ໂດຍເປັນກຽດກ່າວຮັບຂອງ ທ່ານ ນາງ ຄໍາຜູ ສະຫງວນສິດ ຮອງເຈົ້າເມືອງ ໄຊສະຖານ ໂດຍຊ່ອງໜ້າການເຂົ້າຮ່ວມຂອງພະນັກງານ-ລັດຖະກອນ, ນາຍບ້ານ, ປະຊາຊົນ ແລະ ນ້ອງນັກຮຽນພາຍໃນບ້ານ.
ພາບ ແລະ ຂໍ້ມູນ: ພະແນກ ພະລັງງານ ແລະ ບໍ່ແຮ່ ແຂວງ ໄຊຍະບູລີ
ຮຽບຮຽງຂ່າວ: ຄຳແສງ ແກ້ວປະເສີດ
