ເມື່ອທ້າຍຕຸລາ 2024 ທີ່ຜ່ານມາ, ຄະນະຊາວໜຸ່ມປະຊາຊົນປະຕິວັດລາວ ກະຊວງພະລັງງານ ແລະ ບໍ່ແຮ່ ໄດ້ສ້າງຂະບວນການທັດສະນະສຶກສາແລກປ່ຽນບົດຮຽນກ່ຽວກັບການບໍລິຫານ-ຄຸ້ມຄອງໂຄງການເຂື່ອນໄຟຟ້ານໍ້າຕົກ ຢູ່ເຂື່ອນໄຟຟ້ານໍ້າງື່ມ1 ໂດຍການນຳພາຂອງ ສະຫາຍ ຈັນທະເລດ ວໍລະບຸດ ຄະນະພັກກະຊວງ, ຄະນະບໍລິຫານງານສູນກາງ ຊປປລ, ເລຂາຄະນະບໍລິຫານງານ ຊປປລ ກະຊວງພະລັງງານ ແລະ ບໍແຮ່. ມີຄະນະບໍລິຫານງານ ຊປປລ ກະຊວງ, ຕາງໜ້າຈາກບັນດາຮາກຖານ ຊປປລ ອ້ອມຂ້າງກະຊວງເຂົ້າຮ່ວມ. ການສ້າງຂະບວນການຄັ້ງນີ້, ກໍ່ເພື່ອຂໍ່ານັບຮັບຕ້ອນການດຳເນີນກອງປະຊຸມໃຫຍ່ ຜູ້ແທນຊາວໜຸ່ມປະຊາຊົນປະຕິວັດລາວ ກະຊວງພະລັງງານ ແລະ ບໍ່ແຮ່ ທີ່ຈະໄຂຂຶ້ນໃນທ້າຍເດືອນ ພະຈິກ 2024 ນີ້.