ພະນັກງານທີ່ຮັບຜິດຊອບວຽກງານທໍລະນີສາດ ແລະ ແຮ່ທາດ 3 ແຂວງພາກກາງ ໄດ້ຮັບການຍົກລະດັບທາງດ້ານທິດສະດີ, ພາກສະໜາມຕົວຈິງ ແລະ ເຕັກນິກການຈັດຕັ້ງປະຕິບັດວຽກວິຊາສະເພາະ

          ຊຸດຝຶກອົບຮົມຄັ້ງນີ້, ຈັດຂຶ້ນເພື່ອສ້າງຄວາມເຂັ້ມແຂງໃຫ້ແກ່ວິຊາການ ໂດຍສະເພາະຂະແໜງທໍລະນີສາດ ແລະ ແຮ່ທາດ ຜູ້ທີ່ຍັງບໍ່ທັນມີຄວາມຊໍານານກ່ຽວກັບການຈັດຕັ້ງປະຕິບັດວຽກງານດ້ານເຕັກນິກວິທີການເກັບກຳຂໍ້ມູນພາກສະໜາມ; ເຕັກນິກວິທີການບັນທຶກຂໍ້ມູນ ທໍລະນີສາດພາກສະໜາມ; ຄຳແນະນຳຂຽນບົດລາຍງານເກັບກຳຂໍ້ມູນພາກສະໜາມ; ວິທີ ແລະ ຮູບແບບການເຜີຍແຜ່ສັນຍາ; ເຕັກນິກການປັກຫຼັກໝາຍເຂດສຳປະທານ; ເຕັກນິກການຊອກຄົ້ນ ແລະ ສຳຫຼວດແຮ່ທາດ; ເຕັກນິກການຕິດຕາມ, ຄຸ້ມຄອງ ແລະ ລາຍງານວຽກງານຊອກຄົ້ນ ແລະ ສຳຫຼວດແຮ່ທາດ ໃຫ້ມີຄວາມຊໍານານໃນຈັດຕັ້ງປະຕິບັດວຽກງານວິຊາສະເພາະຕາມການແບ່ງຂັ້ນຄຸ້ມຄອງ ລະຫວ່າງ ສູນກາງ ແລະ ທ້ອງຖິ່ນ ເພື່ອນໍາໄປຈັດຕັ້ງປະຕິບັດວຽກງານທີ່ຕົນເອງຮັບຜິດຊອບ ໃຫ້ໄດ້ຮັບຜົນດີ.

ພາບ ແລະ ຂ່າວ: ກົມຄຸ້ມຄອງບໍ່ແຮ່
ຮຽບຮຽງ: ຄຳແສງ ແກ້ວປະເສີດ
Website: www.mem.gov.la
ສາຍດ່ວນ: 1506