ກອງປະຊຸມດັ່ງດ່າວ ໄດ້ຈັດຂຶ້ນໃນວັນທີ 6 ທັນວາ 2024 ນີ້ ຢູ່ຫ້ອງປະຊຸມ 102 ພາຍໃຕ້ການເປັນປະທານຂອງ ທ່ານ ຄຳໂສ້ ກຸໂພຄຳ ຫົວໜ້າຫ້ອງການກະຊວງ, ຮອງຫົວໜ້າຄະນະຮັບຜິດຊອບຕິດຕາມ, ກວດກາ ແລະ ປະເມີນການລົທຶນດ້ານແຮ່ທາດ. ມີຄະນະຮັບຜິດຊອບຈາກບັນດາກົມ, ສະຖາບັນອ້ອມຂ້າງກະຊວງເຂົ້າຮ່ວມ.
ໃນພິທີ ທ່ານ ຫົວໜ້າຫ້ອງການ ໄດ້ຍົກໃຫ້ເຫັນເຖິງຄວາມຈຳເປັນ ແລະ ຄວາມສຳຄັນ ຂອງການດຳເນີນກອງປະຊຸມຄະນະຮັບຜິດຊອບດັ່ງກ່າວນີ້ ເນື່ອງຈາກວ່າ ຂະແໜງແຮ່ທາດ ເປັນຂະແໜງການໜຶ່ງ ທີ່ມີບົດບາດສຳຄັນ ໃນການຂຸດຄົ້ນແຫຼ່ງລາຍຮັບເພື່ອນຳມາພັດທະນາເສດຖະກິດສັງຄົມ ແລະ ແກ້ໄຂຄວາມທຸກຫຍາກຂອງປະຊາຊົນ. ຢ່າງໃດກໍ່ຕາມ ເພື່ອຮັບກັນໃຫ້ການຕິດຕາມ, ກວດກາ ແລະ ຄຸ້ມຄອງການລົງທຶນຂະແໜງແຮ່ທາດ ມີຄວາມເຂັ້ມງວດ, ຮັບປະກັນການສົ່ງຜົນກະທົບຕໍ່ສະພາບແວດລ້ອມນ້ອຍທີ່ສຸດ ແລະ ທັງສ້າງຜົນປະໂຫຍດໃຫ້ແກ່ປະເທດຊາດ ແລະ ປະຊາຊົນສູງ ຈຶ່ມີຄວາມເປັນຈໍາເປັນຈະຕ້ອງໄດ້ຕິດຕາມ, ກວດກາ ແລະ ຄຸ້ມຄອງຢ່າງເຂັ້ມງວດ.
