ໃນຕອນເຊົ້າວັນທີ 10 ມັງກອນ 2025. ທີ່ຫ້ອງປະຊຸມໃຫຍ່ ຊັ້ນ 5 ຕຶກກະຊວງ, ສະຫະພັນແມ່ຍິງ ກະຊວງ ພະລັງງານ ແລະ ບໍ່ແຮ່ ໄດ້ຈັດກອງປະຊຸມສະຫຼຸບການເຄື່ອນໄຫວວຽກງານຮອບດ້ານ ແລະ ປະເມີນການຈັດຕັ້ງປະຕິບັດຂໍ້ແຂ່ງຂັນ 3 ດີ ທ້າຍສະໄໝ (2021-2025) ຂື້ນ, ໂດຍໃຫ້ກຽດໂອ້ລົມ ແລະ ເປັນປະທານ ຂອງ ສະຫາຍ ຈັນທະບູນ ສຸກອາລຸນ ຄະນະປະຈຳພັກກະຊວງ, ຮອງລັດຖະມົນຕີ, ຜູ້ຊີ້ນຳວຽກງານ 3 ອົງການຈັດຕັ້ງມະຫາຊົນຂັ້ນກະຊວງ; ມີ ສະຫາຍ ນາງ ແສງເດືອນ ວົງອິນ ຄະນະປະຈຳພັກກະຊວງ, ຄະນະບໍລິຫານງານສູນກາງສະຫະພັນແມ່ຍິງລາວ, ປະທານຄະນະບໍລິຫານງານສະຫະພັນແມ່ຍິງ ກະຊວງ ພະລັງງານ ແລະ ບໍ່ແຮ່. ນອກຈາກນີ້, ຍັງມີຕາງໜ້າຈາກອົງການຈັດຕັ້ງ ກໍາມະບານ, ຊາວໜຸ່ມ, ປະທານ, ຮອງປະທານໜ່ວຍ ແລະ ສະມາຊິກສະຫະພັນແມ່ຍິງ ພາຍໃນກະຊວງ ກໍ່ໄດ້ເຂົ້າຮ່ວມ.
ຜ່ານການເຄື່ອນໄຫວຢ່າງຫ້າວຫັນຂອງເອື້ອຍນ້ອງແມ່ຍິງ ຕະຫຼອດໄລຍະ 5 ປີຜ່ານມາ, ແມ່ຍິງໄດ້ຮັບນະໂຍບາຍຕ່າງໆ ຈາກອົງການປົກຄອງ ໃນການເລື່ອນຊັ້ນ-ຂັ້ນ ແລະ ການຍ້ອງຍໍໃນລະດັບຕ່າງໆ ເຊັ່ນ: ເອື້ອຍນ້ອງໄດ້ຮັບການຍ້ອງຍໍຜົນງານດີເດັ່ນຫ້າວຫັນໃນການເຄື່ອນໄຫວວຽກງານແມ່ຍິງ ຮອບດ້ານ 5 ປີ (2016-2020 ມອບຮັບໃນປີ 2022) ຈໍານວນ 624 ສະຫາຍ ແລະ ຍ້ອງຍໍການປະກອບສ່ວນໃນຂະບວນສະເຫຼີມສະຫຼອງວັນສໍາຄັນ ຕ່າງໆ ຂອງຊາດ ແລະ ການປະກອບສ່ວນຊ່ວຍເຫຼືອງສັງຄົມ, ການຍ້ອງຍໍໃນການປະຕິບັດວຽກງານວິຊາສະເພາະເຊັ່ນ: ຫຼຽນໄຊແຮງງານ ຊັ້ນ I ມີ 5 ສະຫາຍ, ຫຼຽນໄຊແຮງງານ ຊັ້ນ II ມີ 23 ສະຫາຍ, ຫຼຽນໄຊແຮງງານຊັ້ນ III ມີ 84 ສະຫາຍ, ຫຼຽນກາແຮງງານມີ 144 ສະຫາຍ, ໃບຍ້ອງຍໍຂັ້ນລັດຖະບານ 242 ສະຫາຍ ແລະ ໃບຍ້ອງຍໍຂັ້ນກະຊວງ 144 ສະຫາຍ; ໄດ້ເລື່ອນຈາກຂັ້ນຮອງຫົວໜ້າກົມ ຂຶ້ນເປັນຫົວໜ້າກົມ ຈໍານວນ 02 ສະຫາຍ; ຈາກຫົວໜ້າພະແນກຂື້ນເປັນຮອງຫົວໜ້າກົມ ຈໍານວນ 8 ສະຫາຍ; ຂື້ນເປັນ ຫົວໜ້າພະແນກ ຈໍານວນ 6 ສະຫາຍ, ຮອງພະແນກ 15 ສະຫາຍ ; ໃນພາກລັດວິສາຫະກິດ ໄດ້ເລື່ອນຕໍາແໜ່ງເປັນຫົວໜ້າຝ່າຍ 1 ສະຫາຍ, ຮອງຫົວໜ້າຝ່າຍ 5 ສະຫາຍ. ພ້ອມກັນນັ້ນ, ຍັງໄດ້ຮັບຕໍາແໜ່ງພັກ ຈໍານວນ 16 ສະຫາຍຄື: ຄະນະປະຈໍາພັກກະຊວງ 01 ສະຫາຍ; ເລຂາໜ່ວຍພັກ 1ສະຫາຍ, ຮອງເລຂາ 9ສະຫາຍ, ຄະນະໜ່ວຍ 6 ສະຫາຍ.
