ກະ​ຊວງ ພະ​ລັງ​ງານ ແລະ ບໍ່​ແຮ່ ຮ່ວມ​ກັບ ມະ​ຫາ​ວິ​ທະ​ຍາ​ໄລ​ແຫ່ງ​ຊາດ ຈັດກິດຈະກຳ

        ​ກິດ​ຈະ​ກຳ​ຄັ້ງ​ນີ້, ຈັດ​ຂຶ້ນເພື່ອສ້າງເວທີໃຫ້ນັກຄົ້ນຄວ້າໜຸ່ມນ້ອຍ ກໍຄືບັນດານັກສຶກສາຂັ້ນມະຫາວິທະຍາໄລ, ວິທະຍາໄລ ແລະ ພາກສ່ວນຕ່າງໆ ໄດ້ເຂົ້າຮ່ວມ ແລະ ສະແດງອອກ ໃນການນໍາສະເໜີແນວຄວາມຄິດ, ສິ່ງປະດິດສ້າງໃນການນໍໍາໃຊ້ເຕັກໂນໂລຊີ, ນະວັດຕະກໍາ ເຂົ້າໃນໝຸນໃຊ້ທາງດ້ານພະລັງງານ. ໂຄງການດັ່ງກ່າວ ມີຄວາມມຸ້ງຫວັງແນໃສ່ໄວໜຸ່ມ ເພາະພວກເຮົາເຊື່ອໜັ້ນວ່ານັກຄົ້ນຄວ້າໜຸ່ມນ້ອຍຈະມີແນວຄິດ ແລະ ການປະດິດສ້າງໃໝ່ໆ ອອກມາຮັບໃຊ້ສັງຄົມ ກໍຄື ຜູ້ຜະລິດ ແລະ ຜູ້ປະກອບການຕ່າງໆ ເພື່ອແນ່ໃສ່ພັດທະນາເສດຖະກິດ-ສັງຄົມໃຫ້ມີການຂະຫຍາຍຕົວຢ່າງຕໍ່ເນື່ອງ, ໝັ້ນທ່ຽງ ແລະ ທວງທັນ ກັບບັນດາປະເທດໃນພາກພື້ນ ແລະ ສາກົນ.

          ກິດ​ຈະ​ກຳ​ທີ່​ນຳ​ມາ​ແຂ່ງ​ຂັນໃນປີນີ້ ​ມີຫົວຂໍ້​ວ່າ: “ການສ້າງແນວຄວາມຄິດ ປູກຈິດສຳນຶກຂອງໄວໜຸ່ມ ໃນການນຳໃຊ້ ວິທະຍາສາດ, ເຕັກໂນໂລຊີ ແລະ ນະວັດຕະກຳ ເຂົ້າໃນການໝູນໃຊ້ພະລັງງານສະອາດ ແລະ ພະລັງງານທົດແທນ ຈຶ່ງກາຍເປັນເວທີໃຫ້ນັກຄົ້ນຄວ້າໜຸ່ມນ້ອຍ ກໍຄືບັນດານັກສຶກສາຂັ້ນມະຫາວິທະຍາໄລ ແລະ ວິທະຍາໄລໄດ້ສະແດງ ແລະ ນໍາສະເໜີຫົວຄິດປະດິດສ້າງໃນການນໍາໃຊ້ເຕັກໂນໂລຊີ, ນະວັດຕະກຳ ເຂົ້າໃນວຽກງານທາງດ້ານພະລັງງານສະອາດ ແລະ ພະລັງງານທົດແທນ.  ເຊິ່ງບັນດານ້ອງນັກສຶກສາທີ່ຖືກຄັດເລືອກຈາກເວທີແຂ່ງຂັນຄັ້ງນີ້ຈະໄດ້ເຂົ້າຮ່ວມສຳມະນາ ແລະ ທັດສະນະສຶກສາ ຮ່ວມກັບນັກຄົ້ນຄວ້າໜຸ່ມນ້ອຍຈາກບັນດາປະເທດສະມາຊິກຂອງຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງ ທີ່ຈະມາເຖີງໃນ​ມໍ່ໆນີ້.

ພາບ ແລະ ແຫຼ່ງ​ຂໍ້​ມູນ: ກົມ​ແຜນ​ການ ແລະ ການ​ຮ່ວມ​ມື

ຂ່າວ: ຄຳ​ແສງ ແກ້ວ​ປະ​ເສີດ