ໃນຕອນເຊົ້າວັນທີ 6 ມີນາ 2025 ຜ່ານມາ ທີ່ໂຮງແຮມທະວີສຸກ, ເມືອງ ວັງວຽງ, ແຂວງ ວຽງຈັນ. ຈັດກອງປະຊຸມລົງເລິກວິຊາການກ່ຽວກັບການຕິດຕາມສັນຍາສຳປະທານໂຄງການໄຟຟ້າຊ່ວງດຳເນີນງານ ໂດຍການເປັນປະທານຂອງທ່ານ ເສີມສິດທິ ສຸມຸນທາ ຮອງຫົວໜ້າກົມທຸລະກິດພະລັງງານ ພ້ອມດ້ວຍວິຊາການຂັ້ນສູນກາງແລະທ້ອງຖິ່ນເຂົ້າຮ່ວມຢ່າງພ້ອມພຽງ.
ຈຸດປະສົງໃນການຈັດກອງປະຊຸມໃນຄັ້ງນີ້ແມ່ນການປະຊຸມລົງເລິກທາງດ້ານວິຊາການກ່ຽວກັບການຕິດຕາມສັນຍາສຳປະທານໂຄງການໄຟຟ້າຊ່ວງດຳເນີນງານແລະນຳສະເໜີສິດ ແລະ ພັນທະຂອງລັດຖະບານ ແລະ ການພັດທະນາ/ບໍລິສັດ ໃນສັນຍາ PDA, ສັນຍາ CA, ຂໍ້ຫ້າມຕໍ່ສິດຂອງບໍລິສັດ, ການຕິດຕາມໃນຊ່ວງໄລຍະກໍ່ສ້າງ ແລະ ດຳເນີນງານ, ການມີສ່ວນຮ່ວມຂອງທ້ອງຖິ່ນ ແລະ ອື່ນໆ. ນອກນີ້ຍັງເຜີຍແຜ່ການປະຕິບັດພັນທະຕ່າງໆຂອງພາກລັດ ແລະ ເອກະຊົນ.
ທ້າຍສຸດ ທ່ານປະທານກໍໄດ້ຄໍາເຫັນໃຫ້ວິຊາການຂັ້ນສູນກາງແລະທ້ອງຖິ່ນໃຫ້ເອົາໃຈໃສ່ວຽກງານການຕິດຕາມສັນຍາສຳປະທານໂຄງການໄຟຟ້າຊ່ວງດຳເນີນງານ ເພື່ອໃຫ້ເສີມສ້າງຄວາມເຂັ້ມແຂງຂອງໜ່ວຍງານ ລົງຕິດຕາມສົາງເສີມການມີສ່ວນຮ່ວມຂອງຊຸມຊົນ ເພີ່ມທະວີການຮ່ວມມືກັບອົງການຈັດຕັ້ງແລະພາກສ່ວນທີ່ກ່ຽວຂ້ອງຮັບປະກັນຄວາມປອດໄພຂອງປະຊາຊົນ ແລະ ສົ່ງເສີມການພັດທະນາເສດຖະກິດສັງຄົມຂອງປະເທດຊາດ.
