ເພື່ອສ້າງຂະບວນການຕ້ອນຮັບວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 70 ປີ ໃນວັນທີ 22 ມີນາ 2025 ແລະ ວັນສ້າງຕັ້ງ ຄະນະຊາວໜຸ່ມປະຊາຊົນປະຕິວັດລາວ ຄົບຮອບ 70 ປີ ໃນວັນທີ 14 ເມສາ 2025 ທີ່ຈະມາເຖິງນີ້, ປະຕິບັດຕາມເນື້ອໃນແຈ້ງການຂອງຫ້ອງວ່າການນະຄອນຫຼວງວຽງຈັນ ແລະ ອີງຕາມທິດຊີ້ນຳຂອງການນຳກະຊວງ ກ່ຽວກັບການສ້າງຂະບວນການອະນາໄມ, ປະດັບປະດາ ຕົວເມືອງນະຄອນຫຼວງວຽງຈັນ ໃຫ້ມີຄວາມສະອາດຈົບງາມ. ຄະນະບໍລິຫານງານ ຊປປລ ກະຊວງພະລັງງານ ແລະ ບໍ່ແຮ່ ໄດ້ນຳພາພະນັກງານ-ສະມາຊິກພັກ ໃນຖັນແຖວຊາວໜຸ່ມພາຍໃນກະຊວງ ສ້າງຂະບວນການອອກແຮງງານສຳນັກງານອົງການ ຢ່າງເປັນຂະບວນການຟົດຟື້ນ ແລະ ຄຶກຄື້ນ ໃນຕອນເຊົ້າວັນທີ 16 ມີນາ 2025 ນີ້
