ຄະນະພັກ,​ ຄະນະນຳກະຊວງ ພ້ອມດ້ວຍພະນັກງານ,​ ລັດຖະກອນ ແລະ ກຳມະກອນ ທົ່ວກະຊວງພະລັງງານ ແລະ ບໍ່ແຮ່ ຂໍສະແດງຄວາມໂສກເສົ້າເສຍໃຈ ແລະ ອາໄລອາວອນຢ່າງສຸດຊື້ງ ຕໍ່ການຈາກໄປໂດຍບໍ່ມີວັນຈະຫວນກັບຄືນມາຂອງ ປະທານ ຄຳໄຕ ສີພັນດອນ ຜູ້ນຳຮຸ່ນທຳອິດຂອງການປະຕິວັດຊາດ ປະຊາທິປະໄຕ,​ ຍາດເອົາຄວາມເປັນເອກະລາດຈາກພວກລ່າເມືອງຟຣັ່ງ ແລະ ອາເມລິກາ ມາໃຫ້ປວງຊົນລາວທັງຊາດ ໄດ້ມີຄວາມເປັນເສລີພາບ,​ ເປັນເຈົ້າຂອງປະເທດຊາດມາເທົ່າທຸກວັນນີ້

          ປະທານ ຄຳໄຕ ສີພັນດອນ ອາດີດນາຍົກລັດຖະມົນຕີ ຄົນທີສອງ ແລະ ອາດີດປະທານປະເທດ ຄົນທີສີ່ຂອງ ສປປລາວ,​ ອາດີດປະທານຄະນະບໍລິຫານງານສູນກາງພັກ (ເລຂາທິການໃຫຍ່)​ ຜູ້ທີສອງຂອງພັກປະຊາຊົນປະຕິວັດລາວ ແລະ ທັງແມ່ນຜູ້ນຳທີ່ປີຊາສາມາດ,​ ສະຫລາດສ່ອງໃສ ຂອງພັກ,​ ລັດເຮົາ ຕະຫລອດໄລຍະການຕໍ່ສູ້,​ກູ້ຊາດ ກໍ່ຄືໄລຍະແຫ່ງການປົກປັກຮັກສາ ແລະ ສ້າງສາພັດທະນາປະເທດຊາດ ໃນໄລຍະໃໝ່
ການສູນເສຍ ປະທານ ຄຳໄຕ ສີພັນດອນ ແມ່ນການສູນເສຍອັນຍິ່ງໃຫຍ່ ທີ່ຫາອັນປຽບບໍ່ໄດ້ຂອງ ປະຊາຊົນລາວບັນດາເຜົົ່າ
          ຕາງໜ້າໃຫ້ຄະນະພັກ,​ ຄະນະນຳກະຊວງ ຕະຫລອດຮອດພະນັກງານ,​ ລັດຖະກອນ ແລະ ກຳມະກອນທົ່ວຂະແໜງການພະລັງງານ ແລະ ບໍ່ແຮ່,​ ຄະນະບັນນາທິການຂ່າວສູນຂ່າວພະລັງງານ ແລະ ບໍ່ແຮ່ ຂໍສະແດງຮູ້ບຸນຄຸນຢ່າງລົ້ນເຫລືອ ຕໍ່ການອຸທິດຕົນຢ່າງບໍ່ຮູ້ອິດບໍ່ຮູ້ເມືອຍ ແລະ ຂໍສະແດງຄວາມອາໄລອາວອນຢ່າງສຸດຊຶ້ງ.​
          ຜົນງານ ແລະ ຄຸນງາມດີຂອງປະທານ ຈະຍືນຍົງຄົງຕົວໄປຊົ່ວກາລະນານ.​ ຂໍໃຫ້ດວງວິນຍານຂອງປະທານ ຄຳໄຕ ສີພັນດອນ ໄປສູ່ສຸຂະຕິເທີ່ນ…