ພະນັກງານລັດຖະກອນພາຍໃນກະຊວງພະລັງງານ ແລະ ບໍ່ແຮ່ ເຊື່ອມຊຶມນິຕິກຳ ກ່ຽວກັບການປັບປຸງກົງຈັກການຈັດຕັ້ງຂອງ ລັດຖະບານ

          ໃນໂອກາດທີ່ມີຄວາມໝາຍສຳຄັນນີ້, ສະຫາຍ ຄຳພັນ ພົມມະທັດ ກຳມະການກົມການເມືອງສູນກາງພັກ, ເລຂາທິການສູນກາງພັກ, ປະທານຄະນະກວດກາສູນກາງພັກ, ປະທານອົງການກວດກາແຫ່ງລັດ, ຫົວໜ້າຕ້ານການສໍ້ລາດບັງຫຼວງຂັ້ນສູນກາງ ໄດ້ມີຄຳເຫັນໂອ້ລົມ ເຊິ່ງກ່ອນອື່ນ ສະຫາຍ ໄດ້ສະແດງຄວາມຍ້ອງຍໍຊົມເຊີຍຕໍ່ບັນສະຫາຍຄະນະພັກ, ຄະນະນຳ, ສະມາຊິກພັກ ແລະ ພະນັກງານລັດຖະກອນ ໃນຂົງເຂດພະລັງງານ ແລະ ບໍ່ແຮ່ ທີ່ຍາດໄດ້ຜົນສຳເລັດໃນໄລຍະທີ່ຜ່ານມາ ແລະ ເນັ້ນໜັກໃຫ້ບັນດາສະຫາຍໃນຄະນະພັກ, ຄະນະນໍາແຕ່ລະຂັ້ນ ຕ້ອງເພີ່ມທະວີເອົາໃຈໃສ່ ໂດຍໃຫ້ຖືສໍາຄັນນໍາພາວຽກງານການເມືອງ – ແນວຄິດ ຕໍ່ສະມາຊິກພັກ, ພະນັກງານ ພ້ອມທັງຮັບຜິດຊອບໂດຍກົງ ໃນການປັບປຸງກົງຈັກການຈັດຕັ້ງ, ປັບປຸງພາລະບົດບາດ ແລະ ການສັບຊ້ອນຈັດວາງບຸກຄະລາກອນ ໃນຄັ້ງນີ້ໄປຕາມລະບົບ ແລະ ມີຜົນສໍາເລັດຕາມໄລຍະເວລາ, ຮັບປະກັນໄດ້ຄວາມສາມັກຄີ ແລະ ຄວາມສະຫງົບ, ຫຼີກລ່ຽງໃນເວລາປັບປຸງກົງຈັກການຈັດຕັ້ງ ວຽກງານມີການຖົດຖອຍ, ການເຄື່ອນໄຫວວຽກງານບໍ່ມີປະສິພາບ, ສະມາຊິກ, ພະນັກງານມີການລະເມີດ ແລະ ເຄື່ອນໄຫວທີ່ບໍ່ຖືກຕ້ອງ ຫຼື ເປັນການສວຍໃຊ້ໂອກາດໃນການປັບປຸງກົງຈັກການຈັດຕັ້ງເປັນຊ່ອງວ່າງຫາຜົນປະໂຫຍດສ່ວນຕົວ, ກຸ່ມກ້ອນ, ການສະໜອງຂໍ້ມູນ ຫຼື ໂຄສະນາໃສ່ຮ້າຍປ້າຍສີ, ບິດເບື່ອນຄວາມຈິງ, ສ້າງຄວາມບໍ່ເຂົ້າໃຈຊຶ່ງກັນ ແລະ ກັນ ອັນນີ້ບໍ່ຢາກໃຫ້ມີແນວຄິດກະທໍາ ແລະ ເກີດຂຶ້ນໃນຖັນແຖວຂອງສະມາຊິກພັກ, ພະນັກງານ ພວກເຮົາເດັດຂາດ ແລະ ໃຫ້ບັນດາສະມາຊິກພັກ, ພະນັກງານທຸກສະຫາຍ ຈົ່ງມີຄວາມອຸ່ນອ່ຽນ, ອົດທົນ ແລະ ເຊື່ອໝັ້ນຕໍ່ການນໍາພາຂອງພັກໃນແຕ່ລະຂັ້ນ ພ້ອມກັນເອົາໃຈໃສ່ປະຕິບັດວຽກງານຕາມຄວາມຮັບຜິດຊອບໃຫ້ຫຼ້ອນໜ້າທີ່ການເມືອງຂອງຕົນ