ທ່ານ ລັດຖະມົນຕີ ພົບປະ ແລະ ໂອ້ລົມພະນັກງານ-ຫຼັກແຫຼ່ງ ຢູ່ຫ້ອງການກະຊວງ

ໃນພິທີອັນມີຄວາມໝາຍສຳຄັນນີ້, ທ່ານ ຄຳໂສ້ ກຸໂພຄຳ ຄະນະພັກກະຊວງ,​ ເລຂາໜ່ວຍພັກ,​ ວ່າການຫົວໜ້າຫ້ອງການກະຊວງ ຕາງໜ້າໃຫ້ຄະນະພັກ,​ ຄະນະຫ້ອງການ ແລະ ພະນັກງານ-ລັດຖະກອນ ພາຍໃນຫ້ອງການກະຊວງ ສະແດງຄວາມຕ້ອນຮັບຢ່າງອົບອຸ່ນ ແລະ ຂອບໃຈ ຕໍ່ ທ່ານ ລັດຖະມົນຕີ ທີ່ຍາມໃດກໍ່ມີຄວາມເປັນຫ່ວງເປັນໃຫຍ່ ແລະ ໃກ້ຊິດຕິດແທດຫ້ອງການກະຊວງ ໃນຖານະທີ່ເປັນເສນາທິການໃຫ້ການນຳກະຊວງ ໃນການປະສານງານຢ່າງຮອບດ້ານ ລະຫວ່າງ ກົມກອງຕ່າງໆ ທັງພາຍໃນກະຊວງ ແລະ ຂະແໜງການທີ່ກ່ຽວຂ້ອງທັງຢູ່ ສູນກາງ ແລະ ທ້ອງຖິ່ນພ້ອມກັນນີ້,​ ທ່ານ ກໍ່ໄດ້ລາຍງານຫຍໍ້ການເຄື່ອນໄຫວວຽກງານທີ່ພົ້ນເດັ່ນຂອງຫ້ອງການກະຊວງ ໃນໄລຍະຜ່ານມາ ເຊິ່ງເຫັນໄດ້ວ່າມີຫລາຍດ້ານໄດ້ຮັບການຈັດຕັ້ງປະຕິບັດດ້ວຍຜົນສຳເລັດຢ່າງຈົບງາມ.​ ປັດຈຸບັນຫ້ອງການກະຊວງ ມີພະນັກງານທັງໝົດ 55 ທ່ານ,​ ໃນນີ້ເປັນພະນັກງານ-ລັດຖະກອນ 39 ທ່ານ.​ ເປັນສະມາຊິກພັກສົມບູນ 20 ສະຫາຍ (ບໍ່ລວມພະນັກງານບໍານານທີ່ຮ່ວມຊີວິດໜ່ວຍພັກນຳ),​ ສຳມະຊິກພັກສຳຮອງ 9 ສະຫາຍ ແລະ ມະຫາຊົນກ້າວໜ້າ (ຮຽນກົດລະບຽບ)​ 2 ສະຫາຍ,​ ມີຫົວໜ້າຫ້ອງການ 1 ທ່ານ,​ ຮອງຫົວໜ້າຫ້ອງການ 4 ທ່ານ,​ ຫົວໜ້າພະແນກ 5 ທ່ານ,​ ຮອງຫົວໜ້າພະແນກ 13 ທ່ານ.​ ປະກອບມີ 5 ພະແນກຄື: ພະແນກຄຸ້ມຄອງບໍລິຫານ, ພະແນກການເງິນ, ພະແນກເລຂານຸການ ແລະ ພິທີການ, ພະແນກປະຊາສຳພັນ ແລະ ໄອທີ ແລະ ພະແນກສັງລວມປະຕູດຽວ ແລະ ນິຕິກຳ. ຫລັງຈາກນັ້ນ ຄະນະຫ້ອງການ ແລະ ຕາງໜ້າຈາກ 5 ພະແນກ ໄດ້ພັດປ່ຽນກັນແລກປ່ຽນຄວາມຄິດເຫັນ ແລະ ລາຍງານຂໍ້ດວກຂໍ້ຫຍຸ້ງຍາກ ພ້ອມທັງແຜນວຽກຈຸດສຸມໃນຕໍ່ໜ້າ ແລະ ຂໍ້ສະເໜີ ຂອງແຕ່ລະພະແນກໃຫ້ ທ່ານ ລັດຖະມົນຕີຮັບຊາບ ແລະ ໃຫ້ທິດຊີ້ນຳໃນການຈັດຕັ້ງປະຕິບັດ