ຕອນເຊົ້າ ວັນທີ 22 ມິຖຸນາ 2022, ໄດ້ຈັດກອງປະຊຸມ ສະຫຼຸບການເຄື່ອນໄຫວວຽກງານກຳມະບານ 6 ເດືອນທ້າຍປີ ແລະ ທິດທາງແຜນການ 6 ເດືອນທ້າຍປີ 2022 ຂອງສະຫະພັນກຳມະບານກະຊວງ ພະລັງງານ ແລະ ບໍ່ແຮ່ ໂດຍການເປັນປະທານຂອງທ່ານ ນາງ ອາລີ ວົງໜໍ່ບຸນທຳ ກຳມະການສູນກາງພັກ ປະທານຄະນະບໍລິຫານງານສູນກາງສະຫະພັນກໍາມະບານລາວ ແລະ ຍັງມີທ່ານປະທານ ສະຫະພັນກຳມະບານ ກະຊວງພະລັງງານ ແລະ ບໍ່ແຮ່, ຮອງປະທານ ສະຫະພັນກຳມະບານ ກະຊວງພະລັງງານ ແລະ ບໍ່ແຮ່ ພ້ອມດ້ວຍສະມາຊິກທຸກສະຫາຍກໍ່ໄດ້ເຂົ້າຮ່ວມ.
ໃນໂອກາດດັ່ງກ່າວໄດ້ເຂົ້າພົບທ່ານ ປອ ດາວວົງ ພອນແກ້ວ ກຳມະການສູນກາງພັກ, ເລຂາຄະນະພັກ, ລັດຖະມົນຕີກະຊວງ ພະລັງງານ ແລະ ບໍ່ແຮ່ ເພື່ອແຈ້ງຈຸດປະສົງໃນການລົງເຮັດວຽກ ແລະ ເຂົ້າຮ່ວມເປັນປະທານທີ່ປະຊຸມກັບສະຫະພັນກຳມະບານກະຊວງ ຊຶ່ງໄດ້ຮັບຟັງການລາຍງານການເຄື່ອນໄຫວຈັດຕັ້ງປະຕິບັດວຽກງານກຳມະບານໃນໄລຍະຜ່ານມາຈາກທ່ານ ເພັດສະຫວັນ ລັດຕະນະທົງໄຊ ກຳມະການຄະນະບໍລິຫານງານ ສູນກາງສະຫະພັນກຳມະບານລາວ ປະທານສະຫະພັນກຳມະບານ ກະຊວງພະລັງງານ ແລະ ບໍ່ແຮ່.
ໃນນີ້ ທ່ານ ເພັດສະຫວັນ ລັດຕະນະທົງໄຊ, ປະທານ ສະຫະພັນກໍາມະບານ ກະຊວງພະລັງງານ ແລະ ບໍ່ແຮ່ກ່າວຜ່ານການໃຫ້ຄຳໂອວາດຕັກເຕືອນ ທ່ານໄດ້ຊີ້ໃຫ້ເຫັນວ່າ: ໃນໄລຍະຕົ້ນປີ 2022 ຜ່ານມາ, ໃນທ່າມກາງທີ່ສະພາບການແຜ່ລະບາດຂອງເຊື້ອພະຍາດໂຄວິດ-19 ທີ່ເປັນສາເຫດສໍາຄັນເຮັດໃຫ້ການເຄື່ອນໄຫວຈັດຕັ້ງປະຕິບັດວຽກງານວິຊາສະເພາະ ແລະ ສ້າງຂະບວນການຕ່າງໆ ທຸກຂົງເຂດວຽກງານ ບໍ່ໄປຕາມແຜນການທີ່ວາງໄວ້ເທົ່າທີ່ຄວນ. ນອກນັ້ນ, ປັດຈຸບັນ ສະພາບດ້ານເສດຖະກິດໃນທົ່ວໂລກ ມີຄວາມທ້າທາຍ ແລະ ສັບສົນ, ໂດຍສະເພາະດ້ານອັດຕາເງິນເຟີ້, ສະພາບການດ້ານນໍ້າມັນ ແລະ ພະລັງງານ. ເວົ້າສະເພາະ, ປະເທດເຮົາກໍ່ໄດ້ຮັບຜົນກະທົບຫຼາຍພໍສົມຄວນ ເປັນຕົ້ນ: ດ້ານເງິນກີບອ່ອນຄ່າ, ຂາດດຸ່ນເງິນຕາຕ່າງປະເທດ, ຂາດແຄນນໍ້າມັນ ສິນຄ້າອຸປະໂພກ-ບໍລິໂພກ ມີລາຄາເພີ້ມສູງເທົ່າໂຕ ແລະ ອື່ນໆ. ສະນັ້ນ, ຕໍ່ກັບສະພາບວິກິດການດັ່ງກ່າວ ສະຫະພັນກໍາມະບານກະຊວງ ພບ ພວກເຮົາ ຈະຕ້ອງໄດ້ຖືເອົາເປັນອັນສໍາຄັນ ເພີ່ມທະວີຄວາມເອົາໃຈໃສ່ໃນການຄົ້ນຄວ້າແບບແຜນວິທີການ ກຽມພ້ອມຮັບມືຢ່າງທັນການ ກັບສະພາບປັດຈຸບັນ ແລະ ຕໍ່ໜ້າ, ຂອງບັນດາຖັນແຖວສະມາຊິກກໍາມະບານ ທົ່ວຂົງເຂດຂະແໜງການພະລັງງານ ແລະ ບໍ່ແຮ່ ດັ່ງນີ້:
