ລັດຖະບານ ສປ ຈີນໃຫ້ຄວາມສໍາຄັນເປັນພິເສດໃນການຄົ້ນຄວ້າ, ພັດທະນາ ແລະ ນໍາໃຊ້ພະລັງງານສະອາດ ເພື່ອໃຫ້ເປັນມິດຕໍ່ສະພາບແວດລ້ອມ ກໍຄື ແນໃສ່ຫລຸດຜ່ອນການນໍາໃຊ້ພະລັງງານຈາກເຊື້ອໄຟ ແນໃສ່ເຮັດໃຫ້ການປ່ອນກາກບອນພາຍໃນປະເທດນັບມື້ນັບຫລຸດລົງ, ດັ່ງນັ້ນ ຈິ່ງເກີດມີການວິໄຈ ແລະ ພັດທະນາດ້ານພະລັງງານສະອາດຂອງບັນດາບໍລິສັດ ກໍຄືສະຖາບັນວິໄຈຕ່າງໆ ຢ່າງຫລວງ ຫລາຍ.
ສະຖາບັນວິໄຈພະລັງງານສະອາດ Huaneng ຂອງຈີນ (China Huaneng Clean Energy Research Institute: CERI) ແມ່ນສະຖາບັນໜຶ່ງທີ່ຂຶ້ນກັບກຸ່ມບໍລິ ສັດ Huaneng ຂອງຈີນ (China Huaneng Group: CHNG), ມີສໍານັກງານຕັ້ງຢູ່ນະຄອນຫລວງປັກກິ່ງ, ເຊີ່ງມີໜ້າທີ່ຄົ້ນຄວ້າວິໄຈ ແລະ ພັດທະນາເຕັກໂນໂລຊີກ່ຽວກັບພະລັງງານສະອາດ ລວມມີ: ພະລັງງານລົມ, ພະລັງງານແສງຕາເວັນ, ການເກັບຮັກສາພະລັງງານ, ໄຮໂດຣເຈນສີຂຽວ, ການເຊື່ອມຕໍ່ເຄືອຂ່າຍໄຟຟ້າ, ລະບົບພະລັງງານລວມ, ຄວາມຮ້ອນແບບອັດສະລິຍະ, ການຈັບກາກບອນ, ການນໍາໃຊ້ປະໂຫຍດ ແລະ ການເກັບຮັກສາ (CCUS).