ກອງປະຊຸມໄດ້ຈັດຂຶ້ນໃນວັນທີ 21 ຕຸລາ 2022 ຢູ່ເມືອງ ວັງວຽງ ແຂວງ ວຽງຈັນ, ພາຍໃຕ້ການເປັນປະທານຮ່ວມຂອງ ທ່ານ ທອງຂັນ ພິມວິໄລ ຫົວໜ້າກົມຈັດຕັ້ງ ແລະ ພະນັກງານ, ທ່ານ ຄຳໂສ້ ກຸໂພຄຳ ຫົວໜ້າຫ້ອງການກະຊວງ ແລະ ທ່ານ ຈັນທະລາ ແກ້ວຫາວົງ ຫົວໜ້າກົມຄຸ້ມຄອງບໍ່ແຮ່ ໂດຍມີຫົວໜ້າ, ຮອງຫົວໜ້າກົມ, ສະຖາບັນ ແລະ ລັດວິສາຫະກິດ ພ້ອມດ້ວຍຄະນະຮັບຜິດຊອບເຂົ້າຮ່ວມ.
ກອງປະຊຸມຄັ້ງນີ້ ຈັດຂຶ້ນເພື່ອທາບທາມຄຳຄິດເຫັນຕໍ່ ຮ່າງຍຸດທະສາດພັດທະນາແຮ່ທາດ 10 ປີ (2021-2030) ), ວິໄສທັດຮອດປີ 2035 ແລະ ຮ່າງດໍາລັດວ່າດ້ວຍທຶນພັດທະນາຊຸມຊົນໃນທຸລະກິດກ່ຽວກັບແຮ່ທາດ. ຜ່ານມາ, ຄະນະທີ່ຖືກແຕ່ງຕັ້ງ ໄດ້ຄົ້ນຄວ້າ ແລະ ປຶກສາຫາລືຮ່ວມກັນຫຼາຍຄັ້ງ ຕໍ່ກັບການສ້າງຍຸດທະສາດການພັດທະນາແຮ່ທາດ 10 ປີ (2021-2030) ແລະ ວິໄສທັດ ຮອດປີ 2035, ຊຶ່ງໄດ້ຜັນຂະຫຍາຍເນື້ອໃນຂອງກົດໝາຍ, ມະຕິຂອງກອງປະຊຸມໃຫຍ່ຂອງພັກ ແລະ ແຜນພັດທະນາເສດຖະກິດ-ສັງຄົມຂອງລັດ ໃນແຕ່ລະໄລຍະ ມາເປັນເອກະສານໃນການຈັດຕັ້ງປະຕິບັດຂອງຂະແໜງການ ບົນພື້ນຖານການສຶກສາຕີລາຄາ ແລະ ຖອດຖອນບົດຮຽນ ຈາກຜົນສຳເລັດ ແລະ ຈຸດຄົງຄ້າງ ໃນໄລຍະ 10 ປີ ຜ່ານມາ (2011-2020) ບວກກັບການປະເມີນບັນດາທ່າແຮງບົ່ມຊ້ອນ,