ກອງປະຊຸມດັ່ງກ່າວ ໄດ້ຈັດຂຶ້ນໃນວັນທີ 13 ກັນຍາ 2022 ນີ້, ຢູ່ຫ້ອງປະຊຸມ 102 ຂອງກະຊວງ ພະລັງງານ ແລະ ບໍ່ແຮ່, ໂດຍພາຍໃຕ້ການເປັນປະທານຮ່ວມລະຫວ່າງ ທ່ານ ຄຳໂສ້ ກຸໂພຄຳ ຫົວໜ້າຫ້ອງການກະຊວງ ພະລັງງານ ແລະ ບໍ່ແຮ່ ແລະ ທ່ານ ວິລະສັກ ຈຸນດາຣາ ຫົວໜ້າກົມກວດກາຊັບພະຍາກອນທຳມະຊາດ ແລະ ສິ່ງແວດລ້ອມ, ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ. ມີຄະນະນຳ ແລະ ວິຊາການທີ່ກ່ຽວຂ້ອງຂອງທັງສອງກະຊວງເຂົ້າຮ່ວມ.
ໃນໂອກາດທີ່ມີຄວາມໝາຍສຳຄັນນີ້, ຫົວໜ້າຄະນະທັງສອງຝ່າຍ ໄດ້ພ້ອມກັນຕີລາຄາສູງຕໍ່ໝາກຜົນການພົບປະ, ປຶກສາຫາລື ແລະ ແລກປ່ຽນບົດຮຽນຮ່ວມກັນຄັ້ງນີ້, ເຊິ່ງເປັນຂີດໝາຍສຳຄັນໃນການຈັດຕັ້ງຜັນຂະຫຍາຍແນວທາງນະໂຍບາຍຂອງພັກ, ກົດໝາຍ ແລະ ລະບຽບການຂອງລັດວາງອອກ ທັງເປັນການຈັດຕັ້ງປະຕິບັດວາລະແຫ່ງຊາດວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນຢູປະເທດເຮົາ ໂດຍສະເພາະ ກົນໄກການຈັດຕັ້ງປະຕິບັດ, ການຄຸ້ມຄອງ ແລະ ການນຳໃຊ້ງົບປະມານຂອງທັງສອງກະຊວງໃຫ້ມີຄວາມຖືກຕ້ອງ, ສອດຄ່ອງກັບສະພາບການພັດທະນາເສດຖະກິດ-ສັງຄົມຂອງ ສປປ ລາວ ໃນແຕ່ລະໄລຍະ.
ພາບ: ພະແນກ ການເງິນ, ຫ້ອງການກະຊວງ
ຂ່າວ: ຄຳແສງ ແກ້ວປະເສີດ
