ທ່ານ ປອ. ອາຄົມເດດ ວົງໄຊ ຫົວຫນ້າກົມແຜນການ ແລະ ການຮ່ວມມື ສໍາເລັດການເຂົ້າຮ່ວມງານສັບປະດາ ພະລັງງານສິງກະໂປ-ສາກົນ ຄັ້ງທີ 15 “15th Singapore-International Energy week 2022 (SIEW 2022) ໃນລະຫວ່າງວັນທີ 25-27/10/2022 ທີ່ສາທາລະນະລັດສິງກະໂປ.
ຈຸດປະສົງຂອງກອງປະຊຸມດັ່ງກ່າວແມ່ນການລວມເອົາບັນດານັກຊ່ຽວຊານທາງດ້ານພະລັງງານເພື່ອຮ່ວມກັນ ປຶກສາ, ແບ່ງປັນຄວາມຮ້ ແລະ ແນວທາງໃນການພັດທະນາພະລັງງານໃຫ້ມີຄວາມຍືນຍົງພາຍໃຕ້ຫົວຂໍ້: “A Resilient and Sustainable Energy Future” ເປັນກຽດໃນການເປີດກອງປະຊຸມໂດຍທ່ານ Lawrence Wong ຮອງ ນາຍົກລັດຖະມົນຕີ, ລັດຖະມົນຕີກະຊວງການເງິນ ແຫ່ງສາທາລະນະລັດສິງກະໂປ, ທ່ານ Gan Kim Yong ລັດຖະ ມົນຕີກະຊວງການຄ້າ ແລະ ອຸດສາຫະກໍາ, ພ້ອມດ້ວຍບັນດາແຂກທີ່ຖືກເຊີນ.
ໃນງານດັ່ງກ່າວທ່ານ ປອ. ອາຄົມເດດ ວົງໄຊ ຫົວຫນ້າກົມແຜນການ ແລະ ການຮ່ວມມື ກໄດ້ເຂົ້າຮ່ວມມີຄໍາເຫັນໃນກອງປະຊຸມ Singapore-International Energy Agency (IEA) Ministerial Roundtable, ທັງເປັນນັກເສວະນາ (Panelist) ໃນຫົວຂໍ້ຕ່າງໆ ເປັນຕົ້ນ ASEAN Power Grid: Enabling RE Development
Across ASEAN, Scaling Decarbonization Technologies, Laos-Thailand-Malaysia-Singapore (LTMS) ແລະ ກໄດ້ເຂົ້າຮ່ວມກອງປະຊຸມທີ່ຕິດພັນກຄື: ກອງປະຊຸມປຶກສາຫາລືການຈັດຕັ້ງປະຕິບັດບົດບັນທຶກ MOU ການຮ່ວມມືດ້ານພະລັງງານລະຫວ່າງ ສປປ ລາວ ແລະ ສິງກະໂປ
ທີ່ໄດ້ລົງນາມຮ່ວມກັນໃນເດືອນກັນຍາ 2022 ທີ່ຜ່ານມາໂດຍການເຂົ້າຮ່ວມເປັນສັກຂີພິຍານຂອງ ນາຍົກລັດຖະມົນຕີ ຂອງທັງສອງປະເທດ ແລະ ກອງປະຊຸມ ສອງຝ່າຍລະຫວ່າງຫນ່ວຍງານຕະຫຼາດພະລັງງານສິງກະໂປ Energy Market Authority (EMA) ແລະ ກົມແຜນການ ແລະ ການຮ່ວມມື. ນອກຈາກນີ້, ກໍ່ຍັງໄດ້ເຂົ້າຮ່ວມເປັນສັກຂີພິຍານໃນການເຊັນສັນຍາຮ່ວມມືລະຫວ່າງບລິສັດ Keppel ແລະ PSGC ນໍາອີກດ້ວຍ.
ພາບ ແລະ ຂ່າວ: ກົມແຜນການ ແລະ ການຮ່ວມມື
