ຕອນບ່າຍ ວັນທີ 29 ພະຈິກ 2022 ຄະນະຊາວໜຸ່ມປະຊາຊົນປະຕິວັດລາວ ກະຊວງພະລັງງານ ແລະ ບໍ່ແຮ່ ຮ່ວມກັບຫ້ອງການກະຊວງ ໄດ້ຈັດຂະບວນການອອກແຮງງານລວມອະນາໄມອົງການສຳນັກງານຂອງຕົນໃຫ້ມີຄວາມສະອາດຈົບງາມ ແລະ ເປັນລະບຽບຮຽບຮ້ອຍ ໂດຍການນຳພາຂອງ ສະຫາຍ ຈັນທະເລດ ວໍລະບຸດ ຄະນະພັກກະຊວງ, ຄະນະບໍລິຫານງານສູນກາງ ຊປປລ, ເລຂາຄະນະບໍລິຫານງານ ຊປປລ ກະຊວງ ພະລັງງານ ແລະ ບໍ່ແຮ່, ມີບັນດາ ສະຫາຍ ຄະນະປະຈຳ ຄຊປປລ ພບ, ຄະນະບໍລິຫານງານ ຊປປລ ພບ ພ້ອມດ້ວຍເລຂາ, ຮອງເລຂາ, ຄະນະ ແລະ ສະມາຊິກຊາວໜຸ່ມຈາກ 4 ຄຊປປລ ຮາກຖານ ແລະ 13 ໜ່ວຍຮາກຖານ ອ້ອມຂ້າງກະຊວງຈຳນວນ 1.500 ກວ່າ ສະຫາຍ ເຂົ້າຮ່ວມຢ່າງເປັນຂະບວນການຟົດຟື້ນ.
ສະຫາຍ ຈັນທະເລດ ວໍລະບຸດ ຄະນະພັກກະຊວງ, ຄະນະບໍລິຫານງານສູນກາງ ຊປປລ, ເລຂາຄະນະບໍລິຫານງານ ຊປປລ ກະຊວງພະລັງງານ ແລະ ບໍ່ແຮ່ ໄດ້ກ່າວວ່າ: ການຂະບວນການອອກແຮງງານລວມຂອງຄະນະຊາວໜຸ່ມປະຊາຊົນປະຕິວັດລາວ ກະຊວງພະລັງງານ ແລະ ບໍ່ແຮ່ ຄັ້ງນີ້ແມ່ນມີຈຸດປະສົງຫຼັກກໍ່ເພື່ອເປັນການສ້າງຜົນງານຂໍ່ບນັບຮັບຕ້ອນວັນສຳຄັນຕ່າງໆຂອງພັກຂອງຊາດເຊັ່ນ: ວັນຊາດທີ 2 ທັນວາ ຄົບຮອບ 47 ປີ, ວັນຄ້າຍວັນເກີດປະທານໄກສອນ ພົມວິຫານ ຜູ້ນຳທີ່ເຄົາລົບຮັກຂອງປະຊາຊົນລາວ ຄົບຮອບ 102 ປີ ແລະ ສອງວັນປະຫວັດສາດ ການພົວພັນຮ່ວມມືພິເສດລາວ-ຫວຽດນາມ ໃນປີ 2022, ພິເສດການສ້າງຂະບວນການອອກແຮງງານລວມເທື່ອນີ້ ຍັງເປັນການເຕົ້າໂຮມຄວາມສາມັກຄີຂອງຊາວໜຸ່ມພາຍໃນກະຊວງພະລັງງານ ແລະ ບໍ່ແຮ່ ໃຫ້ແໜ້ນແຟ້ນຂຶ້ນກວ່າເກົ່າ.
ພາບ: ວິລະຊາດ ຊາຍອັດຕະປື
ຂ່າວ: ຄຳແສງ ແກ້ວປະເສີດ
