ຕອນບ່າຍ ວັນທີ 29 ພະຈິກ 2022 ຄະນະຊາວໜຸ່ມປະຊາຊົນປະຕິວັດລາວ ກະຊວງພະລັງງານ ແລະ ບໍ່ແຮ່ ຮ່ວມກັບຫ້ອງການກະຊວງ ໄດ້ຈັດຂະບວນການອອກແຮງງານລວມອະນາໄມອົງການສຳນັກງານຂອງຕົນໃຫ້ມີຄວາມສະອາດຈົບງາມ ແລະ ເປັນລະບຽບຮຽບຮ້ອຍ ໂດຍການນຳພາຂອງ ສະຫາຍ ຈັນທະເລດ ວໍລະບຸດ ຄະນະພັກກະຊວງ, ຄະນະບໍລິຫານງານສູນກາງ ຊປປລ, ເລຂາຄະນະບໍລິຫານງານ ຊປປລ ກະຊວງ ພະລັງງານ ແລະ ບໍ່ແຮ່, ມີບັນດາ ສະຫາຍ ຄະນະປະຈຳ ຄຊປປລ ພບ, ຄະນະບໍລິຫານງານ ຊປປລ ພບ ພ້ອມດ້ວຍເລຂາ, ຮອງເລຂາ, ຄະນະ ແລະ ສະມາຊິກຊາວໜຸ່ມຈາກ 4 ຄຊປປລ ຮາກຖານ ແລະ 13 ໜ່ວຍຮາກຖານ ອ້ອມຂ້າງກະຊວງຈຳນວນ 1.500 ກວ່າ ສະຫາຍ ເຂົ້າຮ່ວມຢ່າງເປັນຂະບວນການຟົດຟື້ນ.