ຕອນເຊົ້າວັນທີ 30 ທັນວາ 2022 ນີ້, ອົງຄະນະພັກກະຊວງພະລັງງານ ແລະ ບໍ່ແຮ່ ໄດ້ຈັດພິທີປະຖະກະຖາເລົ່າຄືນມູນເຊື້ອວັນຊາດທີ 2 ທັນວາ ຄົບຮອບ 47 ປີ, ວັນຄ້າຍວັນເກີດຂອງປະທານ ໄກສອນ ພົມວິຫານ ຄົບຮອບ 102 ປີ ແລະ ເຊື່ອມຊຶມ 3 ເອກະສານຂອງພັກຄື: ເອກະສານບົດສະຫລຸບຕີລາຄາສະພາບການຈັດຕັ້ງປະຕິບັດວຽກງານການເມືອງ-ແນວຄິດ ໄລຍະແຕ່ປີ 2003-2022 ແລະ ທິດທາງຮອດປີ 2025; ເອກະສານບົດຄຳເຫັນຂອງ ສະຫາຍ ເລຂາເລຂາທິການໃຫຍ່ພັກປະຊາຊົນປະຕິວັດລາວ ຕໍ່ກອງປະຊຸມວຽກງານການເມືອງ-ແນວຄິດທົ່ວປະເທດ ຄັ້ງທີ V; ເອກະສານມະຕິຂອງກອງປະຊຸມວຽກງານການເມືອງ-ແນວຄິດ ຄັ້ງທີ V ແລະ ເອກະສານມະຕິຂອງກົມການເມືອງສູນກາງພັກ ວ່າດ້ວຍການຍົກສູງຄຸນນະພາບວຽກງານການເມືອງ-ແນວຄິດໃນໄລຍະໃໝ່ເຂົ້າໃນຊີວິດຕົວຈິງ ໂດຍການເປັນປະທານຂອງ ສະຫາຍ ປອ ດາວວົງ ພອນແກ້ວ ກຳມະການສູນກາງພັກ, ເລຂາຄະນະພັກ, ລັດຖະມົນຕີກະຊວງພະລັງງານ ແລະ ບໍ່ແຮ່, ມີຮອງເລຂາຄະນະພັກກະຊວງ, ຄະນະປະຈຳພັກ, ຄະນະບໍລິຫານງານພັກກະຊວງ, ເລຂາ,ຮອງເລຂາ, ພ້ອມດ້ວຍສະມາຊິກພັກຈາກຫ້ອງການກະຊວງ, ບັນດາກົມ, ສະຖາບັນ ແລະ ລັດວິສາຫະກິດອ້ອມຂ້າງກະຊວງເຂົ້າຮ່ວມຢ່າງພ້ອມພຽງ
ໃນພິທີ ທີ່ມີຄວາມໝາຍສຳຄັນ, ສະຫາຍ ເລຂາຄະນະພັກກະຊວງ ໄດ້ໃຫ້ກຽດປະຖະກະຖາວັນສະຖາປະນາ ສາທາລະນະລັດ ປະຊາທີປະໄຕ ປະຊາຊົນລາວ ຄົບຮອບ 47 ປີ, ຫຼັງຈາກນັ້ນ ສະຫາຍ ກໍ່ສືບຕໍ່ເຜີຍແຜ່ບັນດາເອກະສານທີ່ສຳຄັນຂອງພັກ
ພ້ອມກັນນີ້, ສະຫາຍ ທອງພັດ ອິນທະວົງ ຮອງເລຂາຄະນະພັກ, ຮອງລັດຖະມົນຕີກະຊວງ ພະລັງງານ ແລະ ບໍ່ແຮ່ ກໍ່ໄດ້ຫວນຄືນເຖິງມູນເຊື້ອ ແລະ ຄຸນງາມຄວາມດີຂອງປະທານ ໄກສອນ ພົມວິຫານ ຜູ້ນຳທີ່ເຄົາລົບຮັກຂອງປະຊາຊົນລາວບັນດາເຜົ່າ
ພາບ: ສົມສະໜຸກ ທອງສະຫງວນ ແລະ ວຽງສະຫວັນ ປຣະດິດ
ຂ່າວ: ຄຳແສງ ແກ້ວປະເສີດ
