ກອງປະຊຸມສຳມະນາຄວາມຮູ້ພື້ນຖານກ່ຽວກັບກົດຫມາຍວ່າດ້ວຍຄວາມສະເໝີພາບຍິງ-ຊາຍ ແລະ ກົດຫມາຍວ່າດ້ວຍ ຄວາມປອດໄພຂອງເຂື່ອນ ເພື່ອສ້າງຄວາມເຂັ້ມແຂງໃຫ້ແກ່ສະມາຊິກແມ່ຍິງຂອງກະຊວງພະລັງງານ ແລະ ບໍ່ແຮ່ ໄດ້ຈັດຂຶ້ນຢ່າງເປັນທາງການໃນວັນທີ 24 ກຸມພາ 2023ນີ້, ຢູ່ຫ້ອງປະຊຸມໃຫຍ່ຊັ້ນ 5, ພາຍໃຕ້ການເປັນປະທານຮ່ວມຂອງ ສະຫາຍ ນາງ ແສງເດືອນ ວົງອິນ ກຳມະການຄະນະພັກກະຊວງ, ຄະນະບໍລິຫານງານສູນກາງສະຫະພັນແມ່ຍິງລາວ, ປະທານຄະນະບໍລິຫານງານສະຫະພັນແມ່ຍິງ ກະຊວງພະລັງງງານ ແລະ ບໍ່ແຮ່ ແລະ ສະຫາຍ ນາງ ວັດທະນາ ອິນລໍຄຳ ຮອງຫົວຫນ້າຫ້ອງການຄະນະກຳມາທິການແຫ່ງຊາດ ເພື່ອຄວາມກ້າວໜ້າຂອງແມ່ຍິງ,ແມ່ ແລະ ເດັກ. ໂດຍມີ ຄະນະບໍລິຫານງານສະຫະພັນແມ່ຍິງກະຊວງ, ຄະນະຫນ່ວຍ ພ້ອມດ້ວຍ ຜູ້ຕາງໜ້າສະມາຊິກແມ່ຍິງຈາກ 17 ຫນ່ວຍອ້ອມຂ້າງກະຊວງ ເຂົ້າຮ່ວມ ຈຳນວນ 96 ສະຫາຍ.
ສະນັ້ນ, ກອງປະຊຸມສໍາມະນາໃນມື້ນີ້ຖືວ່າເປັນຂີດໝາຍສໍາຄັນຂອງການເຊື່ອມສານວຽກງານ ຂອງຂະແໜງພະລັງງານ ແລະ ບໍ່ແຮ່ ກັບວຽກງານການສົ່ງເສີມຄວາມສະເໝີພາບຍິງ-ຊາຍ ໂດຍມີເປົ້າໝາຍ ເພື່ອສ້າງຂີດຄວາມສາມາດໃຫ້ກັບເອື້ອຍນ້ອງແມ່ຍິງໃນຂະແໜງການ ໃຫ້ເປັນໄປຕາມຕາມແຜນພັດທະນາແມ່ຍິງແຫ່ງຊາດ 5 ປີ (2021-2025) ທີ່ມີ 10 ແຜນງານ 65 ໂຄງການ ທີ່ຖືກຮັບຮອງ ໃນກອງປະຊຸມໃຫຍ່ຜູ້ແທນແມ່ຍິງລາວທົ່ວປະເທດຄັ້ງທີ VIII, ໃນນັ້ນ ຂະແໜງການພະລັງງານ ແລະ ບໍ່ແຮ່ ໄດ້ຜັນຂະຫຍາຍເປັນແຜນພັດທະນາແມ່ຍິງຂະແໜງການພະລັງງານ ແລະ ບໍ່ແຮ່ 5 ປີ (2021-2025) ລວມມີ 7 ແຜນງານ 18 ໂຄງການ,
