ໃນຕອນເຊົ້າ ຂອງວັນທີ 23 ມີນາ 2023 ທີ່ຫ້ອງວ່າການປົກຄອງເມືອງຄໍາ, ແຂວງຊຽງຂວາງ, ກົມຄຸ້ມຄອງບໍ່ແຮ່, ກະຊວງພະລັງງານ ແລະ ບໍ່ແຮ່ ໄດ້ຈັດຕັ້ງກອງປະຊຸມເຜີຍແຜ່ເນື້ອເນື້ອໃນສັນຍາການສຳປະທານພັດທະນາບໍ່ແຮ່ ໂຄງການຂຸດຄົ້ນແຮ່ຫາຍາກ (ແບບທົດລອງ) ໃນເນື້ອທີ່ 8 ກິໂລຕາແມັດ ຢູ່ເຂດບ້ານໜອງໂອນ ແລະ ບ້ານສວນມອນ, ເມືອງຄຳ, ແຂວງຊຽງຂວາງ ຂອງບໍລິສັດ ຊາຍນາ ການລົງທຶນບໍ່ແຮ່ (ລາວ) ຈໍາກັດຜູ້ດຽວ ແລະ ບໍລິສັດ ດີດີຊີ ມາຍນິ້ງ ຈໍາກັດຜູ້ດຽວ. ໂດຍການເປັນປະທານຮ່ວມຂອງ ທ່ານ ຈັນທະລາ ແກ້ວຫາວົງ ຫົວໜ້າກົມຄຸ້ມຄອງບໍ່ແຮ່ , ທ່ານ ໃຈເພັດ ພິມວົງສາ ເຈົ້າເມືອງເມືອງຄໍາ ແລະ ທ່ານ ຄອນແກ້ວ ພູນທອງໃສ ຮອງຫົວໜ້າພະແນກພະລັງງານ ແລະ ບໍ່ແຮ່ ແຂວງຊຽງຂວາງ. ມີຜູ້ຕາງໜ້າຈາກ ກົມຄຸ້ມຄອງຊັບສິນແຫ່ງລັດ, ກະຊວງການເງິນ, ກົມສົ່ງເສີ່ມການລົງທຶນ, ກະຊວງແຜນການ ແລະ ການລົງທຶນ, ກົມສິ່ງແວດລ້ອມ, ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ, ກົມທໍລະນີສາດ ແລະ ແຮ່ທາດ, ກະຊວງພະລັງງານ ແລະ ບໍ່ແຮ່ ແລະ ພາກສ່ວນທີ່ກ່ຽວຂ້ອງຂອງທ້ອງຖິ່ນ, ບ້ານທີ່ໂຄງການຕັ້ງຢູ່ ແລະ ບໍລິສັດ ເຂົ້າຮ່ວມຢ່າງພ້ອມພຽງ
