ຜູ້ອໍານວຍການໃຫຍ່ ບໍລິສັດ ໄຟຟ້າ ຫົງສາ ຈໍາກັດ ພ້ອມດ້ວຍຄະນະ ເຂົ້າພົບ ຄະນະການນໍາລະດັບສູງ ແຫ່ງ ສປປ ລາວ

            ໃນລະຫວ່າງວັນທີ 6-7 ເມສາ 2023 ທ່ານ ຄະທາຍຸດ ຊູພູນ ຜູ້ອໍານວຍການໃຫຍ່ ບໍລິສັດ ໄຟຟ້າ ຫົງສາ ຈໍາກັດ ພ້ອມດ້ວຍຄະນະ ເຂົ້າພົບ ຄະນະການນໍາລະດັບສູງ ແຫ່ງ ສປປ ລາວ ທີ່ ນະຄອນຫຼວງວຽງຈັນ ເຊັ່ນ: ທ່ານ ໂພໄຊ ໄຊຍະສອນ ລັດຖະມົນຕີ ກະຊວງພະລັງງານ ແລະ ບໍ່ແຮ່, ທ່ານ ສັນຕິພາບ ພົມວິຫານ ລັດຖະມົນຕີ ກະຊວງການເງິນ, ທ່ານ ງາມປະສົງ ເມືອງມານີ ລັດຖະມົນຕີ ກະຊວງໂຍທາທິການ ແລະ ຂົນສົ່ງ, ທ່ານ ຄໍາເຈນ ວົງໂພສີ ລັດຖະມົນຕີ ກະຊວງແຜນການ ແລະ ການລົງທຶນ ແລະ ທ່ານ ພູວົງ ຫຼວງໄຊຊະນະ ຮອງລັດຖະມົນຕີ ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ.

ຈຸດປະສົງໃນການເຂົ້າພົບການນໍາລະດັບສູງ ແຫ່ງ ສປປ ລາວ ໃນຄັ້ງນີ້, ເພື່ອລາຍງານຄວາມກ້າວໜ້າໃນການດໍາເນີນງານຂອງ ໂຄງການໂຮງໄຟຟ້າພະລັງງານຄວາມຮ້ອນຫົງສາ ແລະ ຖືໂອກາດນີ້ອວຍພອນປີໃໝ່ ເນື່ອງໃນໂອກາດປີໃໝ່ລາວ ປີ 2023.

ພາບ-ຂ່າວ: ພະແນກ ປະຊາສຳພັນ ແລະ ໄອທີ