ເພື່ອຈັດຕັ້ງຜັນຂະຫຍາຍແຜນການຮ່ວມມື ລະຫວ່າງ ສອງລັດຖະບານ ລາວ ແລະ ອົດສະຕາລີ ໃຫ້ປະກົດຜົນເປັນຈິງ. ຕອນແລງວັນທີ 15 ພຶດສະພາ 2023 ນີ້, ໄດ້ມີພິທີລົງນາມ ຂໍ້ຕົກລົງເພີ່ມຕື່ມ ສຳລັບໂຄງການຮ່ວມມື ລາວ-ອົດສະຕຣາລີ ເພື່ອການພັດທະນາພະລັງງານແບບຍືນຍົງ. ຕາງໜ້າ ລັດຖະບານ ສປປລາວ ລົງນາມໂດຍ ທ່ານ ໂພໄຊ ໄຊຍະສອນ ລັດຖະມົນຕີກະຊວງພະລັງງານ ແລະ ບໍ່ແຮ່ ແລະ ທ່ານ ນາງ ເພັນນີ ວອງ ລັດຖະມົນຕີກະຊວງການຕ່າງປະເທດ ຕາງໜ້າລັດຖະບານ ອົດສະຕຣາລີ ໂດຍຊ່ອງໜ້າການເຂົ້າຮ່ວມເປັນສັກຂີພິຍານຂອງ ທ່ານ ສະເຫຼີມໄຊ ກົມມະສິດ ຮອງນາຍົກລັດຖະມົນຕີ, ລັດຖະມົນຕີ ກະຊວງ ການຕ່າງປະເທດ ແຫ່ງ ສປປ ລາວ.