ໃນວັນທີ 5 ມີຖຸນາ 2023 ຜ່ານມານີ້, ກົມຄຸ້ມຄອງບໍ່ແຮ່ ຮ່ວມກັບ ກົມທໍລະນີສາດ ແລະ ແຮ່ທາດ; ກົມແຜນທີ່ແຫ່ງຊາດ, ກະຊວງພາຍໃນ; ກົມສົ່ງເສີມການລົງທຶນ, ກະຊວງແຜນການ ແລະ ການລົງທຶນ; ພະແນກພະລັງງານ ແລະ ບໍ່ແຮ່ ແຂວງຄໍາມ່ວນ, ຫ້ອງວ່າການແຂວງຄຳມ່ວນ, ສະພາປະຊາຊົນແຂວງຄຳມ່ວນ ພ້ອມດ້ວຍຂະແໜງການກ່ຽວຂ້ອງຂອງທ້ອງຖິ່ນ ລົງກວດກາວັດແທກອຸມົງ ຂຸດຄົ້ນໃຕ້ດິນ ຂອງບໍລິສັດ ລາວຄາຍຢວນ ບໍ່ແຮ່ ຈຳກັດ ເພື່ອສົມທຽບຄວາມສອດຄ່ອງ ລະຫວ່າງ ການຂຸດຄົ້ນຢູ່ໃຕ້ດິນ ກັບ ເຂດສຳປະທານເທິງໜ້າດິນ ແລະ ກວດກາການຂຸດຄົ້ນຕົວຈິງ ກັບ ແຜນການອອກແບບຂຸດຄົ້ນ ທີ່ໄດ້ຮັບຮອງໃນໄລຍະຜ່ານມາ ໂດຍການນຳພາຂອງ ທ່ານ ນາງ ອຳວຽງ ເພົ້າວົງໄຊ ຮອງຫົວໜ້າກົມຄຸ້ມຄອງບໍ່ແຮ່. ຕາມແຜນ ການກວດກາຄັ້ງນີ້ ຈະໃຫ້ສຳເລັດ ໃນວັນທີ 13 ມິຖຸນາ 2023 ທີ່ຈະມາເຖິງນີ້.
ພາບ ແລະ ຂ່າວ: ກົມຄຸ້ມຄອງບໍ່ແຮ່
ຮຽບຮຽງ: ຄຳແສງ ແກ້ວປະເສີດ
