ຕອນເຊົ້າ ວັນທີ 23 ມິຖຸນາ 2023 ທີ່ຫ້ອງປະຊຸມ ທຸລະກິດພະລັງງານ. ກອງປະຊຸມກາງສະໄໝຂອງໜ່ວຍພັກກົມທຸລະກິດພະລັງານ ໂດຍພາຍໃຕ້ການເປັນປະທານຂອງ ສະຫາຍ ສົມພິດ ແກ້ວວິຈິດ ເລຂາໜ່ວຍພັກ, ຫົວໜ້າກົມທຸລະກິດພະລັງງານ ແລະ ບໍ່ແຮ່. ໃຫ້ກຽດເຂົ້າຮ່ວມຂອງ ສະຫາຍ ໂພໄຊ ໄຊຍະສອນ, ກຳມະການສຸນກາງພັກ, ເລຂາຄະນະພັກກະຊວງ, ລັດຖະມົນຕີ ກະຊວງພະລັງງານ ແລະ ບໍ່ແຮ່ ຕໍ່ການທາບທາມ ຄວວາມໄວ້ວາງໃຈ ຂອງຄະນະພັກກົມທຸລະກິດພະລັງງານ. ມີຄະນະໜ່ວຍພັກ, ສະມາຊິກພັກສົມບຸນ, ສະມາຊິກພັກສຳຮອງເຂົ້າຮ່ວມຢ່າງພ້ອມພຽງ.
ໜ່ວຍພັກກົມທຸລະກິດພະລັງງານ ເປັນໜ່ວຍພັກໜື່ງທີ່ຂື້ນກັບອົງຄະນະພັກກະຊວງພະລັງງານ ແລະ ບໍ່ແຮ່ ມີສະມາຊິກພັກທັງໝົດ 31 ສະຫາຍ, ຍິງ 13 ສະຫາຍ. ໃນນີ້ມີສະມາຊິກພັກສຳຮອງ 4 ສະຫາຍ, ຍິງ 2 ສະຫາຍ.
ຜ່ານການເຂົ້າຮ່ວມຕິດຕາມການດຳເນີນກອງປະຊຸມກາງສະໄໝຂອງໜ່ວຍພັກກົມທຸລະກິດພະລັງງາານ ສະຫາຍ ໂພໄຊ ໄຊຍະສອນ, ກຳມະການສຸນກາງພັກ, ເລຂາຄະນະພັກກະຊວງ, ລັດຖະມົນຕີ ກະຊວງພະລັງງານ ແລະ ບໍ່ແຮ່ ກໍ່ໄດ້ສະຫຼຸບຕີລາຄາການຈັດຕັ້ງປະຕິບັດມະຕິິກອງປະຊຸມໃຫຍ່ຄັ້ງທີ III ຂອງໜ່ວຍພັກກົມທຸລະກິດພະລັງງານ ຕິດພັນກັບການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ XI ຂອງພັກ ແລະ ມະຕິກອງປະຊຸມໃຫຍ່ຄັ້ງທີ III ຂອງອົງຄະນະພັກກະຊວງພະລັງງານ ແລະ ບໍ່ແຮ່ ຮອດໄລຍະກາງສະໄໝ, ຕໍ່ບົດສຳຫຼວດຜົນການນຳພາຂອງຄະນະບໍລິຫານງານໜ່ວຍພັກ ແລະ ຕໍ່ໃບສຳຫຼວດຕົນເອງຂອງບັນດາສະຫາຍເລຂາ, ຮອງເລຂາ, ຄະນະໜ່ວຍພັກ ແລະ ຄະນະກົມ ແລະ ການປະກອບຄຳຄິດຄຳເຫັນຂອງບັນດາສະມາຊິກພັກທັງໝົດທີ່ຫາກໍ່ຜ່ານໄປນັ້ນ. ຜ່ານການຮັບຟັງບັນດາເອກະສານທີ່ໄດ້ກ່າວມານັ້ນ ຮັບຮູ້ໄດ້ວ່າໜ່ວຍພັກກົມທຸລະກິດພະລັງງານ ໄດ້ມີການເຄື່ອນໄຫວຕາມພາລະບົດບາດ, ສິດໜ້າທີ່ ແລະ ຂອບເຂດຄວາມຮັບຜິດຊອບຢ່າງເຂັ້ມແຂງ.
ພາບ ແລະ ຂ່າວ: ວຽງສະຫວັນ ປຣະດິດ
