ເພື່ອເຮັດໃຫ້ການດຳເນີນກອງປະຊຸມໃຫຍ່ຄັ້ງທີ IV ຂອງໜ່ວຍຮາກຖານ ຊປປລ ຫ້ອງການກະຊວງ ທີ່ຈະໄຂຂຶ້ນໃນມໍ່ໆນີ້ ມີບັນຍາກາດຟົດຟື້ນ ແລະ ຄຶກຄື້ນ, ຕອນບ່າຍວັນທີ 23 ມິຖຸນາ 2023 ນີ້ຢູ່ຫ້ອງປະຊຸມໃຫຍ່ຊັ້ນ5 ໄດ້ຈັດພິສະຫຼຸບ ແລະ ປະກາດຜົນການແຂ່ງຂັນຮ່າງເອກະສານທາງລັດຖະການ ໂດຍໃຫ້ກຽດເຂົ້າຮ່ວມເປັນປະທານ ແລະ ມອບລາງວັນຂອງ ສະຫາຍ ຄຳໂສ້ ກຸໂພຄຳ ຄະນະພັກກະຊວງ, ເລຂາໜ່ວຍພັກ, ຫົວໜ້າຫ້ອງການກະຊວງ; ສະຫາຍ ປອ ສຸກວິສັນ ຄິນສະໝອນ ຮອງເລຂາຄະນະບໍລິຫານງານ ຊປປລ ກະຊວງ, ມີເລຂາໜ່ວຍຮາກຖານ ຊປປລ ຫ້ອງການກະຊວງ, ບັນດາ ເລຂາ, ຮອງເລຂາ ຄຊປປລ ຮາກຖານ ແລະ ໜ່ວຍຮາກຖານອ້ອມຂ້າງກະຊວງ ພ້ອມດ້ວຍສະມາຊິກຊາວໜຸ່ມພາຍໃນໜ່ວຍເຂົ້າຮ່ວມ
ສະຫາຍ ຄຳແສງ ແກ້ວປະເສີດ ຄະນະປະຈຳ ຄຊປປລ ກະຊວງ, ເລຂາ ຄຊປປລ ຫ້ອງການ ໄດ້ກ່າວ່າ: ການແຂ່ງຂັນຮ່າງເອກະສານທາງລັດຖະການ ຄັ້ງນີ້, ເກີດຂຶ້ນເພື່ອເປັນການສ້າງຂະບວນການການຂໍ່ານັບຮັບຕ້ອນກອງປະຊຸມໃຫຍ່ ຄັ້ງທີ IV ຂອງໜ່ວຍຮາກຖານ ຊປປລ ຫ້ອງການກະຊວງ ທີ່ຈະໄຂຂຶ້ນໃນມໍ່ໆນີ້ ໂດຍເລີ່ມຕັ້ງປະຕິບັດມາແຕ່ວັນທີ 16 ມິຖຸນາ 2023 ເປັນຕົ້ນມາ. ຜ່ານການຈັດຕັ້ງປະຕິບັດຕົວຈິງ ມາຮອດວັນທີ 23 ມິຖຸນາ 2023 ສາມາດສະຫຼຸບຜົນການແຂ່ງຂັນໄດ້ດັ່ງນີ້: ປະເພດຮ່າງບົດລາຍງານ: ອັນດັບ1: ພະແນກ ຄົ້ນຄວ້າລົງທຶນປະຕູດຽວ ແລະ ນິຕິກຳ ໄດ້ຄະແນນ 9; ອັນດັບ2: ພະແນກ ເລຂານຸການ ແລະ ພິທີການ ໄດ້ຄະແນນ 8,5; ອັນດັບ3: ພະແນກ ປະຊາສຳພັນ ແລະ ໄອທີ ຄະແນນ 8; ລາງວັນຊົມເຊີຍ: ພະແນກ ການເງິນ ໄດ້ຄະແນນ 6,5 ແລະ ພະແນກ ຄຸ້ມຄອງບໍລິຫານ ໄດ້ຄະແນນ5 . ປະເພດຮ່າງບົດບັນທຶກກອງປະຊຸມ: ອັນດັບ1: ພະແນກ ການເງິນ ໄດ້ຄະແນນ 8; ອັນດັບ2 ມີ 3 ພະແນກຄື: ພະແນກ ຄຸ້ມຄອງບໍລິຫານ; ພະແນກ ເລຂານຸການ ແລະ ພິທີການແລະພະແນກ ປະຊາສຳພັນ ແລະ ໄອທີ ໄດ້ຄະແນນ 7,5 ແລະ ອັນດັບ3: ພະແນກ ຄົ້ນຄວ້າລົງທຶນປະຕູດຽວ ແລະ ນິຕິກຳ ໄດ້ 6,5. ຫຼັງຈາກນັ້ນ, ກໍ່ໄດ້ມີພິທີມອບຮັບລາງວັນ ພ້ອມດ້ວຍໃບຢັ້ງຢືນ ໂດຍໃຫ້ກຽດມອບຂອງ ສະຫາຍ ເລຂາໜ່ວຍພັກຫ້ອງການກະຊວງ ແລະ ສະຫາຍ ຮອງເລຂາ ຄຊປປລ ກະຊວງ.
