ໃນຕອນເຊົ້າວັນທີ 28 ມິຖຸນາ 2023 ທີ່ຜ່ານມາ ທີ່ຫ້ອງຮັບແຂກ ກະຊວງພະລັງງານແລະບໍ່ແຮ່ ທ່ານ Li Weimin ຫົວໜ້າກົມທໍລະນີສາດອຸດສາຫະກຳນິວເຄຼຍ, ພະແນກ ຊັບພະຍາກອນທຳມະຊາດ ແຂວງຊິງໄຫ ແຫ່ງ ສາທາລະນະລັດ ປະຊາຊົນຈີນ ພ້ອມດ້ວຍຄະນະ, ໄດ້ເຂົ້າຢ້ຽມຢາມ ທ່ານ ນາງ ຈັນສະຫວາດ ບຸບຜາ ຮອງລັດຖະມົນຕີກະຊວງພະລັງງານ ແລະ ບໍ່ແຮ່, ເພື່ອປຶກສາຫາລື ແລະ ເສີມຂະຫຍາຍການຮ່ວມມືລະຫວ່າງ ສປປລາວ ລາວ ແລະ ສປ ຈີນ ໂດຍສະເພາະແມ່ນການຮ່ວມມືດ້ານທໍລະນີສາດບໍ່ແຮ່
ເປັນຕົ້ນແມ່ນການຮ່ວມມືໃນການສ້າງແຜນທີ່ທໍລະນີສາດ ຂອງ ສປປ ລາວ ແລະ ຮ່ວມມືປະເມີນທ່າແຮງແຫຼ່ງແຮ່ເກືອໂປຕຼາສ ແລະ ແຮ່ຕິດພັນ ໃນຂອບເຂດ ສປປ ລາວ, ລວມທັງການແລກປ່ຽນການຮ່ວມມືທາງດ້ານວິຊາການ ແລະ ບຸກຄະລາກອນລະຫວ່າງສອງປະເທດ.
ຂ່າວ: ກົມທໍລະນີສາດ ແລະ ແຮ່ທາດ
ພາບ: ສົມສະນຸກ
ຮຽງຮຽງ: ຄຳແສງ ແກ້ວປະເສີດ
