ຈຸດປະສົງ ເພື່ອຕິດຕາມວຽກງານດ້ານຄວາມປອດໄພເຂື່ອນໃນໄລຍະດໍາເນີນງານ ແນ່ໃສ່ການຕິດຕາມກວດກາການຈັດຕັ້ງປະຕີບັດ ກົດໝາຍວ່າດ້ວຍຄວາມປອດໄພເຂື່ອນ, ຂໍ້ແນະນໍາວ່າດ້ວຍຄວາມປອດໄພຂອງເຂື່ອນ, ຄໍາແນະນໍາໃນການຄຸ້ມຄອງ, ນໍາໃຊ້ມາດຕະຖານເຕັກນິກໄຟຟ້າລາວ ແລະ ລະບຽບການ ວ່າດ້ວຍຄວາມປອດໄພ ສໍາລັບ ການດໍາເນີນງານ ແລະ ການບໍາລຸງຮັກສາ ລວມທັງ ບັນດາຄໍາເຫັນຂອງຊ່ຽວຊານສາກົນ (IAs) ໃນໄລຍະຜ່ານມາ.
ການຕິດຕາມກວດກາພາກສະໜາມຂອງທັງສອງໂຄງການ ເຫັນວ່າ ໂດຍລວມໂຄງສ້າງຫຼັກຂອງເຂື່ອນມີຄວາມໝັ້ນຄົງ ຢູ່ໃນສະພາບປົກກະຕີ, ໂຄງການໄດ້ເອົາໃຈໃສ່ຈັດຕັ້ງປະຕິບັດວຽກງານດ້ານຄວາມປອດໄພຕາມກົດໝາຍ, ລະບຽບການ ແລະ ຂໍ້ແນະນໍາວ່າດ້ວຍຄວາມປອດໄພ ລວມທັງຕາມມາດຖານສາກົນໄດ້ເປັນຢ່າງດີ.
ການລົງຕິດຕາມກວດກາພາກສະໜາມໃນຄັ້ງນີ້ ຄະນະກວດກາ ຂອງ ກປພ ໄດ້ເນັ້ນໃສ່ ໃຫ້ໂຄງການ ໄດ້ເພີ່ມທະວີຄວາມເອົາໃຈໃສ່ ຕໍ່ການຈັດຕັ້ງປະຕິບັດ ກົດໝາຍວ່າດ້ວຍຄວາມປອດໄພ, ລະບຽບ ແລະ ຂໍ້ແນະນໍາວ່າດ້ວຍຄວາມປອດໄພ ໂດຍສະເພາະ ແນະນໍາໃຫ້ໂຄງການ ຕິດຕາມກວດກາພືດຕິກໍາການປ່ຽນແປງໂຄງສ້າງຫຼັກເຂື່ອນຢ່າງໃກ້ສິດ, ຕິດຕາມກວດກາອຸປະກອນແຕ່ປະເພດຫາກພົບວ່າເສຍຫາຍເກີນ 20% ໃຫ້ສ້ອມແປງປ່ຽນຖ່າຍໃຫ້ມີສະພາບການທໍາງານປົກກະຕີ,
