ເພື່ອສ້າງຂະບວນການຂໍ່ານັບຮັບຕ້ອນການດຳເນີນກອງປະຊຸມກາງສະໄໝທີ່ III ຂອງອົງຄະນະພັກກະຊວງພະລັງງານ ແລະ ບໍ່ແຮ່ ທີ່ຈະໄຂຂຶ້ນໃນທ້າຍເດືອນ ກໍລະກົດ ນີ້ ໃຫ້ມີບັນຍາກາດຟົດຟື້ນ. ພ້ອມກັນນີ, ກໍ່ເພື່ອຂໍ່ານັບຮັບຕ້ອນວັນຄ້າຍວັນເກີດຂອງປະທານ ສຸພານຸວົງ ຄົບຮອບ 114 ປີ ໃນວັນທີ 13 ກໍລະກົດ 1909-13 ກໍລະກົດ 2023 ແລະ ວັນສ້າງຕັ້ງສະຫະພັນແມ່ຍິງລາວ ຄົບຮອບ 68 ປີ ວັນທີ 20 ກໍລະກົດ 1955-20 ກໍລະກົດ 2023 ໂດຍໃຫ້ກຽດເຂົ້າຮ່ວມຂອງ ທ່ານ ໂພໄຊ ໄຊຍະສອນ ກຳມະການສູນກາງພັກ, ເລຂາຄະນະພັກ, ລັດຖະມົນຕີ ກະຊວງພະລັງງານ ແລະ ບໍ່ແຮ່. ມີຄະນະພັກ, ຄະນະນຳກະຊວງ, ບັນດາກົມ, ສະຖາບັນອ້ອມຂ້າງກະຊວງເຂົ້າຮ່ວມ. ກິດຈະກຳບໍລິຈາກເລືອດຄັ້ງນີ້ ມີພະນັກງານ-ລັດຖະກອນ ຈຳນວນ 28 ທ່ານ ໃຫ້ການບໍລິຈາກເລືອດເພື່ອຊ່ວຍເຫຼືອເພື່ອນມະນຸດດ້ວຍກັນ ໂດບໍ່ຫວັງຜົນຕອບແທນໃດ.
