ວັນທີ 31 ຕຸລາ 2023 ກົມທໍລະນີສາດ ແລະ ແຮ່ທາດ, ກະຊວງພະລັງງານ ແລະ ບໍ່ແຮ່ ຈັດກອງປະຊຸມ ລາຍງານຜົນສຳເລັດດິນໜຽວ ແລະ ຫີນຊາຍ ໃນເນື້ອທີ່ 292 ຮຕ ຢູ່ເຂດບ້ານ ນາພ້ອງ ແລະ ບ້ານ ນາຊັດ, ເມືອງ ຫີນເຫີບ, ແຂວງ ວຽງຈັນ ຂອງບໍລິສັດ ວຽງຈັນ ຫົງຊື ໃສທິລາດ ຊີມັງ ຈຳກັດ ໂດຍພາຍໃຕ້ການເປັນປະທານຂອງທ່ານ ສູນທອນ ລາວໂລ ຮອງຫົວໜ້າກົມທໍລະນີສາດ ແລະ ແຮ່ທາດ ແລະ ບັນດາຜູ້ຕ່າງໜ້າຈາກພາກສ່ວນທີ່ກ່ຽວຂ້ອງເຂົ້າຮ່ວມ.
ເຊີ່ງລັດຖະບານແຫ່ງ ສປປ ລາວ ໄດ້ເຊັນສັນຍາວ່າດ້ວຍການສຳຫຼວດດິນໜຽວ ແລະ ຫີນຊາຍ ໃນເນື້ອທີ່ 292 ຮຕ ຢູ່ເຂດບ້ານ ນາພ້ອງ ແລະ ບ້ານ ນາຊັດ, ເມືອງ ຫີນເຫີບ, ແຂວງ ວຽງຈັນ ກັບ ບໍລິສັດ ວຽງຈັນ ຫົງຊື ໃສທິລາດ ຊີມັງ ຈຳກັດ ສະບັບ ລົງວັນທີ 23 ກຸມພາ 2022 ລວມອາຍຸສັນຍາ 3 ປີ (ໄລຍະສຳຫຼວດ 2 ປີ, ໄລຍະສ້າງບົດສືກສາຄວາມເປັນໄປໄດ້ທາງດ້ານເສດຖະກິດ-ເຕັກນິກ ແລະ ບົດລາຍງານການປະເມີນຜົນກະທົບຕໍ່ສິ່ງແວດລ້ອມແບບລະອຽດ ລວມ 1 ປີ) ສັນຍາມີອາຍຸຮອດວັນທີ 22 ກຸມພາ 2025.
