ສະມາຊິກພັກ ຂົງເຂດພະລັງງານ ແລະ ບໍ່ແຮ່ ເຊື່ອຊຶມເອກະສານສຳຄັນຂອງຊາດ ແລະ ຂອງແຂວງ.

ສະມາຊິກພັກ ຂົງເຂດພະລັງງານ ແລະ ບໍ່ແຮ່ ເຊື່ອຊຶມເອກະສານສຳຄັນຂອງຊາດ ແລະ ຂອງແຂວງ.

           ກອງປະຊຸມ ເຜີຍແຜ່ ເຊື່ອມຊຶມ ມະຕິກອງປະຊຸມຄົບຄະນະກາງສະໄໝ ຂອງສູນກາງພັກ ສະໄໝທີ XI, ມະຕິກອງປະຊຸມຄົບຄະນະກາງສະໄໝ ຂອງຄະນະບໍລິຫານງານພັກແຂວງ ຄັ້ງທີ IX, ບັນດານິຕິກຳຕ່າງໆ ກ່ຽວກັບການ ກະກຽມ-ດຳເນີນກອງປະຊຸມໃຫຍ່ 3 ຂັ້ນຂອງພັກ ແລະ ເອກະສານມູນເຊື້ອສໍາຄັນຕ່າງໆຂອງຊາດ ໃຫ້ແກ່ສະມາຊິກພັກ ຂົງເຂດພະລັງງານ ແລະ ບໍ່ແຮ່ ແຂວງ, ເອກະສານທີ່ນຳມາເຜີຍແຜ່ຄັ້ງນີ້ລວມມີ: ຄຳສັ່ງຂອງຄະນະເລຂາທິການສູນກາງພັກ ວ່າດ້ວຍການກະກຽມ ແລະ ດຳເນີນກອງປະຊຸມໃຫຍ່ 3 ຂັ້ນຂອງພັກ, ມະຕິກອງປະຊຸມຄົບຄະນະກາງສະໄໝຂອງສູນກາງພັກ ສະໄໝທີ IX, ແຈ້ງການແນະນໍາ ຂອງຄະນະຈັດຕັ້ງແຂວງ ກ່ຽວກັບການກະກຽມ ແລະ ດໍາເນີນກອງປະຊຸມໃຫຍ່ຄະນະພັກຮາກຖານ ແລະ ໜ່ວຍພັກ, ພ້ອມທັງປາຖະກະຖາ ວັນຊາດທີ 2 ທັນວາ ຄົບຮອບ 48 ປີ, ປາຖະກະຖາ ວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ, ປາຖະກະຖາ ວັນຄ້າຍວັນເກີດ ປະທານ ໄກສອນ ພົມວິຫານ ຄົບຮອບ 103 ປີ, ວັນຄ້າຍວັນເກີດ ປະທານ ຄຳໄຕ ສີພັນດອນ ຄົບຮອບ 100,

ຕີລາຄາການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມຂອງຊາດ 5 ປີ ຄັ້ງທີ IXໄລຍະກາງສະໄໝ ຕິດພັນກັບການຈັດຕັ້ງປະຕິບັດແຜນພັດທະນາ ເສດຖະກິດ-ສັງຄົມຂອງແຂວງ 5 ປີ ຄັ້ງທີ IX, ຜ່ານບົດສຳຫຼວດລວມ ຂອງຄະນະບໍລິຫານງານສູນກາງພັກ ໄລຍະກາງສະໄໝ ຕິດພັນກັບບົດສຳຫຼວດການນຳພາລວມຂອງຄະນະບໍລິຫານງານພັກແຂວງ ໄລຍະກາງສະໄໝ, ມະຕິ ຂອງຄະນະບໍລິຫານງານສູນກາງພັກ ວ່າດ້ວຍການສຶບຕໍ່ຍູ້ແຮງການຜັນຂະຫຍາຍແນວທາງປ່ຽນແປງໃໝ່ ສູ່ລວງເລິກ, ສ້າງການຫັນປ່ຽນທີ່ມີທ່າແຮງ, ເລິກເຊິ່ງ ແລະ ຮອບດ້ານ ໃນການນຳພາຂອງພັກ ສະບັບເລກທີ 05/ຄບສພ, ລົງວັນທີ 05 ກັນຍາ 2023, ຄໍາສັ່ງ ຂອງຄະນະເລຂາທິການສູນກາງພັກ ວ່າດ້ວຍການກະກຽມ ແລະ ດຳເນີນກອງປະຊຸມ 3 ຂັ້ນຂອງພັກ ສະບັບເລທີ 411/ຄລສພ , ລົງວັນທີ 8 ສິງຫາ 2023 ແລະ ເອກະສານສຳຄັນຕ່າງໆອີກຈຳນວນໜື່ງ.
ພິທີດັ່ງກ່າວ ຈັດຂື້ນໃນວັນທີ່ 30 ພະຈິກ 2023 ນີ້ ທີ່ຫ້ອງປະຊຸມຄຸມຄອງລະບົບສາຍສົ່ງ ລັດວິສາຫະກິດໄຟຟ້າລາວສາຂາອຸດົມໄຊ ໂດຍການເປັນປະທານຂອງ ສະຫາຍ ອາລຸນ ບຸນວິໄລ ເລຂາຄະນະພັກຮາກຖານ ພະແນກພະລັງງານ ແລະ ບໍ່ແຮ່ແຂວງອຸດົມໄຊ, ພ້ອມດ້ວຍຄະນະພັກ ແລະ ສະມາຊິກພັກພາຍໃນຮາກຖານ ເຂົ້າຮ່ວມຢ່າງພ້ອມພຽງ.
ພາບ -ຂ່າວ: ແສງອາທິດ