ກອງປະຊຸມໃຫຍ່ຄັ້ງທີ III ຂອງໜ່ວຍຮາກຖານ ຊປປລ ກົມຄຸ້ມຄອງພະລັງງານ ໄດ້ເລືອກຕັ້ງເອົາຄະນະໜ່ວຍຊຸດໃໝ່ 3 ສະຫາຍ ເພື່ອຊີ້ນຳ-ນຳພາວຽກງານຊາວໜຸ່ມໃນ 5 ປີຕໍ່ໜ້າ

3. ກອງປະຊຸມໃຫຍ່ ໄດ້ຮັບຟັງການລາຍງານບົດສໍາຫຼວດການນໍາພາລວມຂອງຄະນະຊຸດທີ II, ພ້ອມກັນນີ້ ຄະນະໜ່ວຍຊຸດທີ II ກໍ່ໄດ້ພ້ອມກັນກ່າວອໍາລາໜ້າທີ່ ທີ່ໄດ້ຮັບມອບໝາຍຕະລອດໄລຍະ 5 ປີທີ່ຜ່ານມາ;

4. ກອງປະຊຸມໄດ້ຈັດຕັ້ງພິທີມອບ-ຮັບໃບຍ້ອງຍໍໃຫ້ກົມກອງລວມໝູ່ ແລະ ບຸກຄົນດີເດັ່ນຜູ້ທີ່ມີຜົນງານດີປະກອບສ່ວນເຫືອແຮງ ແລະ ສະຕິປັນຍາ ເຂົ້າໃນການເຄື່ອນໄຫວວຽກງານຊາວໜຸ່ມຕະລອດໄລຍະ 5 ປີທີ່ຜ່ານມາ ໂດຍມີສະມາຊິກຊາວໜຸ່ມພາຍໃນໜ່ວຍໄດ້ຮັບການຍ້ອງຍໍທັງໝົດ 33 ສະຫາຍ;

5. ຜູ້ແທນກອງປະຊຸມໃຫຍ່ ໄດ້ດໍາເນີນການໃຊ້ສິດປະຊາທິປະໄຕ ປ່ອນບັດຄັດເລືອກເອົາຄະນະໜ່ວຍຊຸດໃໝ່ໂດຍມີຜູ້ລົງສະໝັກຮັບເລືອກຕັ້ງຈໍານວນ 5 ສະຫາຍ ເລືອກເອົາ 3 ສະຫາຍ, ຜ່ານການໃຊ້ສິດປະຊາທິປະໄຕ ຂອງຜູ້ແທນກອງປະຊຸມ ສາມາດເລືອກໄດ້: ສະຫາຍ ອາລິຍາ ໄຊຍະລາດ ເປັນເລຂາ; ສະຫາຍ ນາງ ທິບນະຄອນ ລາດສະເພົາ ເປັນຮອງເລຂາ ແລະ ສະຫາຍ ໂດ້ນ້າ ສຸລິຍາໄທ ເປັນກໍາມະການ, ທັງເປັນປະທານກວດກາ.

6. ກອງປະຊຸມໃຫຍ່ ໄດ້ຮັບຟັງການໂອ້ລົມ ແລະ ໃຫ້ທິດຊີ້ນໍາຂອງ ສະຫາຍ ເລຂາຄະນະບໍລິຫານງານ ຊາວໜຸ່ມປະຊາຊົນປະຕິວັດລາວ ກະຊວງພະລັງງານ ແລະ ບໍ່ແຮ່ ເຊິ່ງກ່ອນອື່ນ ສະຫາຍ ໄດ້ສະແດງຄວາມຍ້ອງຍໍຊົມ ເຊີຍ ແລະ ຕີລາຄາສູງຕໍ່ຜົນງານທີ່ໜ່ວຍຮາກຖານ ຊາວໜຸ່ມປະຊາຊົນປະຕິວັດລາວ ກົມຄຸ້ມຄອງພະລັງງານຍາດມາໄດ້ຕະຫຼອດໄລຍະ 05 ປີ ຜ່ານມາ, ພ້ອມກັນນີ້, ສະຫາຍ ຍັງໄດ້ເນັ້ນໃຫ້ຄະນະໜ່ວຍຊຸດໃໝ່ ສຶບຕໍ່ເອົາໃຈໃສ່ສຶກສາອົບຮົມການເມືອງແນວຄິດໃຫ້ສະມາຊິກຊາວໜຸ່ມພາຍໃນໜ່ວຍ ມີທັດສະນະຫຼັກໝັ້ນ, ມີຄຸນສົມບັດ, ສິນທໍາປະຕິວັດ; ຍົກສູງຄວາມຮັບຜິດຊອບໜ້າທີ່ການເມືອງ ຂອງຕົນໃຫ້ສູງຂື້ນກວ່າເກົ່າເພື່ອຮັບປະກັນໃຫ້ການຊີ້ນໍາ-ນໍາພາວຽກງານຊາວໜຸ່ມຂອງກົມຄຸ້ມຄອງພະລັງງານໃນຕໍ່ໜ້າເຕີບໃຫຍ່, ເຂັ້ມແຂງ ແລະ ໜັກແໜ້ນກວ່າເກົ່າ;ຈັດຕັ້ງປະຕິບັດຂໍ້ແຂ່ງຂັນ 4 ບຸກ ໃນແຕ່ລະໄລຍະ ໃຫ້ບັນລຸຕາມແຜນການທີ່ວາງໄວ້ ພ້ອມທັງຮັກສາມູນເຊື້ອເປັນຊາວໜຸ່ມ 4 ບຸກຂອງຕົນ ໃຫ້ໜັກແໜ້ນ; ນໍາພາຊາວໜຸ່ມຂອງກົມຄຸ້ມຄອງພະລັງງານ ກາຍເປັນຊາວໜຸ່ມແບບຢ່າງໃນການເຄື່ອນໄຫວວຽກງານຕ່າງໆ ເຊັ່ນ: ວຽກງານວິຊາສະເພາະ, ວຽກງານຂະບວນການ, ວຽກງານຊ່ວຍເຫຼືອສັງຄົມ, ວຽກງານປ້ອງກັນຊາດ-ປ້ອງກັນຄວາມສະຫງົບ ແລະ ວຽກອື່ນໆ;