Blog

ໃນກອງປະຊຸມດັ່ງກ່າວ ທ່ານ ອານຸສັກ ພົງສະຫວັດ, ຮອງສະຖາບັນຄົ້ນຄວ້າພະລັງງານ ເເລະ ບໍ່ເເຮ່ ກະຊວງ ພະລັງງນ ເເລະ ບໍ່ເເຮ່ ໄດ້ກ່າວຕໍ່ກອງປະຊຸມ ໂດຍຍົກໃຫ້ເຫັນວ່າ: ການລົງນາມບົດບັນທຶກຄວາມເຂົ້າໃຈກ່ຽວກັບການຮ່ວມມືດ້ານການນຳໃຊ້ພະລັງງານ ນິວເຄຼຍ ເພື່ອສັນຕິ ແລະ ຮັບປະກັນຄວາມປອດໄພຕໍ່ ນີວເຄຼຍ ແລະ ກຳມັນຕະລັງສີ ໂດຍຕ່າງໜ້າໃຫ້ກັບ ສປປ ລາວ ແມ່ນກະຊວງ ພະລັງງານ ແລະ ບໍ່ແຮ່, ສຳລັບຝ່າຍ ສະຫາພັນ ຣັດເຊຍ ແມ່ນລັດວິສາຫາກິດ ໂລຊາຕອມ (Rosatom) ໃນວັນທີ 14 ເມສາ 2016, ເນື້ອໃນຂອງບົດບັນທຶກຄວາມເຂົ້າໃຈແມ່ນຈະເນັ້ນໃສ່ການຮ່ວມມືທີ່ເປັນລັກສະນະທາງດ້ານວິຊາການ ແລະ ໃນວັນທີ 26 ກັນຍາ 2017, ໄດ້ມີການລົງນາມເອກະສານເພີ່ມອີກ  ໜື່ງສະບັບຄື: ເອກະສານ Road Map ເພື່ອຈຸດປະສົງສືກສາຄວາມເປັນໄປໄດ້ ກ່ຽວກັບ ການອອກແບບໂຮງຜະລິດພະລັງງານໄຟຟ້າ ຈາກນິວເຄຼຍ, ການສືກສາທາງດ້ານການນຳໄດ້ທາດກຳມັນຕະພາບລັງສີເຂົ້າຊ່ວຍທາງດ້ານການປີ່ນປົວດ້ານສາທາລະນະສຸກ, ຂະແໜງກະສິກຳໃຊ້ເຂົ້າໃນການປັບ ປຸງພັນພຶດທາງດ້ານການກະເສດ ແລະ ການສ້າງບຸກຄະລາກອນສະເພາະດ້ານ; ພາຍຫຼັງສຳເລັດລົງນາມບົດບັນທຶກຄວາມເຂົ້າໃຈຮ່ວມກັນທັງສອງຝ່າຍກໍ່ໄດ້ມີການສ້າງຕັ້ງຄະນະ ໜ່ວຍງານວິຊາການຂື້ນເພື່ອເປັນຈຸດປະສານງານໃນການພົວພັນວຽກຮ່ວມກັນ. ສ່ວນສຳລັບຝ່າຍລາວກໍ່ໄດ້ມີຄະນະ    ໜ່ວຍງານຮ່ວມມື ລາວ-ຣັດເຊຍ ສະເພາະ (ຕາມຂໍ້ຕົກລົງສະບັບເລກທີ 1838/ພບ, ລົງວັນທີ 24 ພະຈິກ 2020, ເປັນສະບັບປັບປຸງລ້າສຸດ); ຄະນະໜ່ວຍງານວິຊາການຮ່ວມມື ລາວ-ຣັດເຊຍ ກໍ່ໄດ້ມີການຕົກລົງກັນກ່ຽວກັບຈັດກອງປະຊຸມຂອງຄະນະທັງສອງຝ່າຍ ປີລະຄັ້ງ ເພື່ອເປັນການພົບປະຫາລື ແລະ ແລກປ່ຽນກ່ຽວກັບການຈັດຕັ້ງປະຕິບັດໜ້າວຽກທີ່ຜ່ານມາ ໂດຍກອງປະຊຸມດັ່ງກ່າວແມ່ນໄດ້ຈັດຂື້ນເປັນ 4 ຄັ້ງ, ສຳລັບຄັ້ງລ້າສຸດແມ່ນວັນທີ 19 ພະຈິກ 2021 ໂດຍໃນຮູບແບບກອງປະຊຸມທາງໄກ (Video Conference), ທີ່ກະຊວງພະລັງງານ ແລະ ບໍ່ແຮ່ ເພື່ອເປັນການແລກປ່ຽນ, ປືກສາຫາລືກ່ຽວກັບ ຮ່າງຂອງສັນຍາການຮ່ວມມືການນຳໃຊ້ເຕັກໂນໂລຊີພະລັງງານ ນີວເຄຼຍ ບໍ່ແມ່ນໄຟຟ້າ ເພື່ອສັນຕິ; ເພື່ອເປັນການສຶບ ແລະ ຈັດຕັ້ງປະຕິບັດຜັນຂະຫຍາຍທາງດ້ານວຽກງານການຮ່ວມມືສອງຝ່າຍໃຫ້ມີການລົງເລີກທັງສອງຝ່າຍກໍ່ໄດ້ມີການຕົກລົງສ້າງບົດບັນທຶກຄວາມເຂົ້າໃຈສະບັບສະເພາະຂື້ນມາເພີ່ມອີກ 2 ສະບັບ ແລະ 1 ຮ່າງສັນຍາ ຄື: 1) ບົດບັນທຶກຄວາມເຂົ້າໃຈ ກ່ຽວກັບການຮ່ວມມືການສ້າງຄວາມເຂັ້ມແຂງທາງດ້ານວິຊາການຕໍໍ່ພື້ນຖານຂອງການພັດທະນາພະລັງງານ ນິວເຄຼຍ ເພື່ອສັນ​ຕິ (Cooperation in training and skills development in the field of nuclear energy in Lao PDR). 2) ບົດບັນທຶກຄວາມເຂົ້າໃຈ ດ້ານການປະຊາສຳພັນພະລັງງານ ນີວເຄຼຍ ເພື່ອໃຫ້ສັງຄົມຮັບຊາບ (In the field of shaping positive public opinion on nuclear energy in Lao PDR), ແມ່ນໄດ້ສຳເລັດໃນການລົງລາຍເຊັນໃນວັນທີ 09 ກໍລະກົດ 2019, ທີ່ນະ​ຄອນ​ຫຼວງ ມົດ​ສະກູ ປະເທດ ຣັດເຊຍ ແລະ ສ່ວນສຳລັບຮ່າງຂອງສັນຍາ ກ່ຽວກັບການຮ່ວມມືການນຳໃຊ້ເຕັກໂນໂລຊີພະລັງງານ ນີວເຄຼຍ ບໍ່ແມ່ນໄຟຟ້າ ເພື່ອສັນຕິ “Draft Agreement on Cooperation in the field of the non-power application of nuclear technologies for peaceful use” ປັດຈຸບັນແມ່ນທາງກະຊວງພະລັງງານ ແລະ ບໍ່ແຮ່ໄດ້ມີການລາຍງານໃຫ້ກັບກະຊວງການຕ່າງປະເທດເພື່ອຂໍທິດຊີ້ນຳ ແລະ ສຶບຕໍ່ໃນການຈັັດຕັ້ງປະຕິບັດຮ່າງສັນຍາດັ່ງກ່າວແລ້ວ ເອກະສານສະບັບເລກທີ 251/ພບ, ລົງວັນທີ 10 ກຸມພາ 2022.