ພິທີລົງນາມການຮ່ວມມື (MOC) ລະຫວ່າງ ກົມສົ່ງເສີມ ແລະ ປະຢັດພະລັງງານ, ກະຊວງພະລັງງານ ແລະ ບໍ່ແຮ່ ສປປ ລາວ ກັບ ບໍລິສັດ ຕາຂ່າຍໄຟຟ້າພາກໃຕ້ຈີນ ຢຸນນານສາກົນ (ສປ ຈີນ) ໄດ້ຈັດຂຶ້ນໃນຕອນເຊົ້າມື້ນີ້ ວັນທີ 19 ສິງຫາ 2022 ຢູ່ຫ້ອງປະຊຸມ 102
ຕາງໜ້າກະຊວງພະລັງງານ ແລະ ບໍ່ແຮ່ ສປປ ລາວ ລົງນາມໂດຍ ທ່ານ ຈັນໂທ ມີລັດຕະນາແພງ ຫົວໜ້າກົມສົ່ງ ແລະ ປະຢັດພະລັງງານ ແລະ ຕາງໜ້າບໍລິສັດ CSG-YNIC ລົງນາມໂດຍ ທ່ານ Li Yafei ຫົວໜ້າຄະນະຜູ້ແທນບໍລິສັດ CSG-YNIC ໂດຍຊ່ອງໜ້າການເຂົ້າຮ່ວມເປັນສັກຂີພິຍານຂອງ ທ່ານ ຄຳໂສ້ ກຸໂພຄຳ ຫົວໜ້າຫ້ອງການກະຊວງ ພະລັງງານ ແລະ ບໍ່ແຮ່ ພ້ອມດ້ວຍພະນັກງານຂອງທັງສອງຝ່າຍ
ຄງການນີ້ ເປັນໂຄງການຊ່ວຍເຫລືອລ້າຂອງບໍລິສັດ CSG-YNIC ໂດຍມີເປົ້າໝາຍເພື່ອທົດລອງຕິດຕັ້ງສະຖານີສາກລົດໄຟຟ້າ ດ້ວຍພະລັງງານແສງຕາເວັນ ທີ່ມີກຳລັງຕິດຕັ້ງ 60 ກິໂລວັດ ເຊິ່ງຈະຕິດຕັ້ງໃສ່ໂຮງຈອດລົດຂອງກະຊວງພະລັງງານ ແລະ ບໍ່ແຮ່ . ເມື່ອໂຄງການກໍ່ສ້າງສຳເລັດຈະສ້າງສິ່ງອຳນວຍຄວາມສະດວກ ທັງເປັນການສ້າງຄວາມເຊື່ອໝັ້ນຕໍ່ຜູ້ຊົມໃຊ້ພາຫະນະທີ່ຂັບເຄື່ອນດ້ວຍພະລັງງານໄຟຟ້າ ເຊິ່ງເປັນນະໂຍບາຍຂອງລັດຖະບານ ໃນການສົ່ງເສີມໃຫ້ທຸກພາກສ່ວນໃນສັງຄົມຫັນມານຳໃຊ້ພາຫະນະ ໂດຍສະເພາະລົດໄຟຟ້າ ທົດແທນລົດນຳໃຊ້ນໍ້າມັນນັບມື້ນັບຫລາຍຂື້ນ
ພາບ: ລຸ້ງຟ້າ ອົບພະຈັນ
ຂ່າວ: ຄຳແສງ ແກ້ວປະເສີດ
